Azərbaycanın Energetika naziri Pərviz Şahbazov ilə Beynəlxalq Enerji Xartiyası Forumu çərçivəsində Bakıda səfərdə olan Banqladeşin Energetika və Mineral Ehtiyatlar üzrə dövlət naziri Nasrul Hamid arasında görüş keçirilib.
Bu ilin yanvar-sentyabr aylarında Azərbaycanın qeyri-dövlət bölməsində 90 minə yaxın yeni əmək müqaviləsi qeydə alınıb ki, bu da həmin dövr ərzində artmış əmək müqavilələri sayının 71,4%-ni təşkil edir.
Bu barədə Vergilər Nazirliyinin açıqlamasında bildirilir.
"Rusiya iyul-sentyabr ayları ərzində rekord həddə üçüncü növ buğda ixrac edib".
Bunu bu gün Bakıda keçirilən Beynəlxalq Taxılçılıq Forumunda Rusiyanın Kənd Təsərrüfatı Bazarı üzrə Araşdırmalar İnstitutunun baş direktoru Dimitri Rılko bildirib.
Vergi Məcəlləsinin 102.1.3-cü maddəsinə əsasən, təqvim ili ərzində alınan hədiyyə, maddi yardım, birdəfəlik müavinət və miraslar vergidən azad edilib.
Cari ilin 9 ayında ölkədən 2.780 çeşiddə məhsul ixrac olunub. Bu barədə Dövlət Gömrük Komitəsi məlumat yayıb.
Qeyd edək ki, yanvar-sentyabr aylarında Azərbaycanda ixrac əməliyyatlarının dəyəri 14 milyard 886 milyon 294 min ABŞ dolları təşkil edib.
Dövlət büdcəsinə vergi daxilolmalarının təmin olunması, vergitutma bazasının genişləndirilməsi, vergi inzibatçılığında həyata keçirilən islahatlar və vergi nəzarətinin təkmilləşdirilməsi, vergi uçotunun düzgün qurulması istiqamətində 2019-cu ilin 9 ayı ərzində görülən işlər nəticəsində "kölgə iqtisadiyyatı"nda cəmlənmiş dövriyyələrin şəffaflaşdırılması prosesinin sürətləndiyi müşahidə edilir.
Cari ilin yanvar-sentyabr aylarında dəmir yolu nəqliyyatı ilə 5 milyon 261 min 318 ton yük daşınıb ki, bu yüklərin dəyəri 2 milyard 260 milyon 882 min ABŞ dolları olub. Dövlət Gömrük Komitəsindən verilən məlumata görə, 9 ayda dəmir yolu nəqliyyatı ilə ixrac olunan 1 milyon 669 min 809 ton yükün dəyəri 520 milyon 592 min dollar təşkil edib.
Azərbaycanda sahibkarlıq mühitinin yaxşılaşması və startaplara verilən vergi güzəştləri kiçik biznesə başlamaq istəyənlərin işini rahatlaşdırıb. Yeni biznesə başlayan iş adamları vergi öhdəliklərini dəqiqləşdirmək üçün məsləhətləşmələrə üstünlük verirlər. Bu zaman suallarına konkret cavablar ala bilirlər. Vətəndaşların ən çox ünvanladığı sorğular əməkhaqqından gəlir vergisinin tutulması və sosial sığorta haqlarının hesablanması qaydaları ilə bağlıdır.
Azərbaycan İqtisadiyyat Nazirliyi yanında Sahibkarlığa Dəstək və İnkişaf Fondu ölkədə taxıl istehsalı ilə bağlı layihələrə 71 mln. dollar ayırıb. Bu haqda Azərbaycan İqtisadiyyat nazirinin müavini Rüfət Məmmədov bu gün Bakıda keçirilən Beynəlxalq Taxılçılıq Forumunda çıxışı zamanı bildirib.
Cari ilin yanvar-sentyabr aylarında Naxçıvan Muxtar Respublikasında 819 milyon 911 min 600 manat dəyərində sənaye məhsulu istehsal olunub. Bu barədə Naxçıvan Muxtar Respublikası Dövlət Statistika Komitəsi məlumat yayıb. Məlumatda qeyd edilir ki, bu nəticə bir il öncəki göstəricini 1,3 faiz üstələyib. Sənaye məhsulu istehsalının 96,2 faizi malların, 3,8 faizi isə xidmətlərin payına düşüb.
