Azərbaycanın müstəqillik dövründə inşa edilmiş ən böyük elektrik stansiyası olan "8 Noyabr" Elektrik Stansiyası istismara verildiyi tarixdən bu ilin iyun ayınadək 11 milyard 676,9 milyon kVt/saat enerji istehsal edib.
Bu barədə Energetika Nazirliyindən məlumat verilib.
Bildirilib ki, 2025-ci ildə elektrik stansiyasında 7 milyard 953,7 milyon kVt/saat enerji istehsal edilib. Bu ilin yanvar-may ayları ərzində isə "8 Noyabr"da 3 milyard 723,2 milyon kVt/saat elektrik enerjisi istehsal edilib.
İtaliya ve Çin şirkətləri ilə əməkdaşlıq nəticəsində ərsəyə gələn elektrik stansiyasında 4 ədəd blok transformatoru quraşdırılıb. "Azərbaycan" İstilik Elektrik Stansiyasının 7 və 8 saylı blokları (2x300 MVt) modernizə edilərək yenidən qurulub.
Qeyd edək ki, "8 Noyabr" Elektrik Stansiyası 2025-ci ilin iyunun 24-də inşa edilib. Bu buxar-qaz tipli elektrik stansiyasının ümumi gücü 1 880 MVt təşkil edir.
