Müəllif: Tamara Mustafayeva, Banco.az
ABŞ-da istehlakçı etimadı müharibədən əvvəlki səviyyəyə qayıdıb.
Banco.az xəbər verir ki, ABŞ-da "Miçiqan Universiteti"nin istehlakçı etimadı indeksi iyul ayında yuxarı istiqamətdə yenidən nəzərdən keçirilərək 55,2 bəndə yüksəlib və fevral ayından bəri ən yüksək səviyyəsini qeydə alıb.
Miçiqan Universiteti amerikalı istehlakçıların iqtisadi gözləntilərini əks etdirən istehlakçı etimadı indeksinin iyul ayı üzrə yekun göstəricilərini açıqlayıb.
Məlumata görə, istehlakçı etimadı indeksi iyul ayında əvvəlki ayla müqayisədə 5,7 bənd artaraq 55,2 bəndə çatıb.
Beləliklə, indeks fevral ayından bu yana ən yüksək səviyyəsinə çatıb.
İyul ayı üzrə ilkin göstərici 54,4 bənd olaraq açıqlanmışdı. İndeks iyun ayında isə 49,5 bənd təşkil etmişdi.
Amerikalıların mövcud iqtisadi şəraitə dair qiymətləndirmələrini əks etdirən cari iqtisadi şərait indeksi də iyul ayında 7,1 bənd artaraq 54,8 bəndə yüksəlib.
Bizi sosial şəbəkələrdən izləyin!!
