Banco.az Mərkəzi Banka istinadən xəbər verir ki, vaxtı keçmiş kreditlərin həcmi artmaqda davam edir. Belə ki, əgər ötən ay vaxtı keçmiş kreditlərin həcmi 900 088 min manat olmuşdursa, 01.09.2014 tarixinə 4.3% artaraq 938 765.6 min manat olmuşdur. Vaxtı keçmiş kreditlərin 84.14%-i Bakının payına düşür.
Bununla yanaşı, vaxtı keçmiş kreditlər üzrə ən yüksək artım tempi Aran iqtisadi rayonunun (7.64%) payına düşür. Lakin onu da qeyd etmək lazımdır ki, bir sıra (Şəki-Zaqatala və Naxçıvan) iqtisadi regionlarda vaxtı keçmiş kreditlərin (VKK) ümumi həcmi kəskin şəkildə aşağı düşmüşdür. Belə ki, Naxçıvan MR-da vaxtı keçmiş kreditlərin həcmi yarıdan da çox (51.83%) azalaraq 3174.4 min manat olmuşdur. Şəki-Zaqatala da isə 11.18%-lik azalma müşahidə olunmuşdur.
Region | 01.08.2014 (min AZN) | 01.09.2014 (min AZN) | Artım tempi% |
Bakı | 753 246.4 | 789 859.1 | 4.86% |
Abşeron | 39 316.4 | 40 318.9 | 2.55% |
Aran | 45 719.7 | 49 211.3 | 7.64% |
Dağlıq Şirvan | 5 149.6 | 5 218.3 | 1.33% |
Quba-Xaçmaz | 6 217.1 | 6 485.2 | 4.31% |
Lənkəran | 17 078.6 | 17 864.8 | 4.60% |
Şəki-Zaqatala | 8 578.9 | 7 619.9 | -11.18% |
Yuxarı Qarabağ | 2 887.2 | 3017 | 4.50% |
Kəlbəcər-Laçın | 833.1 | 878.5 | 5.45% |
Naxçıvan | 6590.1 | 3174.1 | -51.83% |
Gəncə-Qazax | 14 470.9 | 15 118.2 | 4.47% |
Cəmi | 900 088 | 938 765.6 | 4.30% |