Müəllif: Tamara Mustafayeva, Banco.az
Türk Hava Yolları (THY) 2022-ci ildə 2,7 milyard dollar xalis mənfəət əldə edib.
Banco.az xəbər verir ki, Türk Hava Yolları şirkəti ötən il üzrə maliyyə göstəricilərini açıqlayıb.
Buna görə, şirkət 2022-ci ili 2,7 milyard dollar xalis mənfəətlə başa vurub. Ötən ilin son rübü ilə birlikdə THY ardıcıl altıncı rübdə də xalis mənfəət əldə etmiş olub.
Şirkətin 2022-ci il üzrə ümumi gəlirləri isə 2019-cu ilki göstəricini 39 faiz üstələyərək 18,4 milyard dollarlıq tarixi maksimuma çatıb. Ümumi gəlirin 20 faizini təşkil edən yük gəlirləri 2019-cu illə müqayisədə 120 faiz artaraq təxminən 3,7 milyard dollar təşkil edib.
Qeyd edək ki, Türk Hava Yolları 2022-ci ildə 394 təyyarə ilə ümumilikdə 72 milyon sərnişin daşıyıb, doluluq nisbəti daxili reyslər 85,8 faiz, beynəlxalq reyslərdə isə 80,1 faiz hesablanıb.
Bizi sosial şəbəkələrdən izləyin!!