Müəllif:Mehin Qasımova,Banco.az

Avropa İttifaqı (Aİ) artan təhlükəsizlik təhdidlərinə qarşı müdafiə qabiliyyətlərini gücləndirməyə yönəlmiş beş böyük birgə müdafiə layihəsinə başlamağa hazırlaşır.

Banco.az xəbər verir ki, layihələrə pilotsuz uçuş aparatları (PUA), hava və raketdən müdafiə, kosmos, dəniz təhlükəsizliyi və şərq sərhədinin qorunması daxildir.

Layihələrin hər bir ölkə üçün fərdi olaraq hazırlanması baha başa gələcək və mürəkkəb olacaq strateji hərbi sistemlərin birgə istehsalına imkan verəcəyi bildirilib. Uzunmüddətli əməkdaşlıq Avropa müdafiə sənayesini gücləndirməyi, istehsal gücünü artırmağı və AB-ni ümumi təhlükəsizlik təhdidlərinə qarşı daha yaxşı hazırlamağı hədəfləyir.

Bəyanatda deyilir ki, Aİ layihələrin yaradılmasını və ilkin mərhələlərini dəstəkləmək üçün 1,5 milyard avroluq Avropa Müdafiə Sənayesi Proqramı (EDIP) çərçivəsində 325 milyon avro ayırıb.

Avropa Komissiyasının hesablamalarına görə, 5 layihənin ümumi investisiya həcminin 2036-cı ilə qədər təxminən 190 milyard avroya çatacağı gözlənilir.