Müəllif: Gülnar Əhmədli, Banco.az
Azərbaycan cari ilin birinci yarısında Türkiyəyə 512,5 milyon dollar dəyərində qeyri-neft məhsulları ixrac edib.
Banco.az Dövlət Gömrük Komitəsinə istinadən xəbər verir ki, bu, illik müqayisədə 84,1 milyon dollar və ya 19,6% çoxdur.
Ötən ilin eyni dövründə Türkiyəyə ixrac edilən qeyri-neft məhsullarının dəyəri 428,4 milyon dollar təşkil edib.
Hesabat dövründə Türkiyə Azərbaycanın ikinci əsas qeyri-neft idxalçısı olub.
Qeyd edək ki, Azərbaycanın ən böyük qeyri-neft idxalçısı isə Rusiyadır (552,3 milyon dollar).
Bizi sosial şəbəkələrdən izləyin!!
