Müəllif: Tamara Mustafayeva, Banco.az
“Cyera” “Oasis Security”ni 1 milyard dollara satın alır.
Banco.az xəbər verir ki, məlumat təhlükəsizliyi sahəsində fəaliyyət göstərən “Cyera” sürətlə yayılan süni intellekt agentlərinin qorunmasını gücləndirmək məqsədilə “Oasis Security”ni təxminən 1 milyard dollara satın almaq üçün razılığa gəlib.
Yaxın vaxtlarda 12 milyard dollarlıq qiymətləndirmə əsasında 600 milyon dollar investisiya cəlb edən “Cyera” bildirib ki, satınalma ilə bağlı niyyət protokolu imzalanıb. Razılaşmaya əsasən, ödənişin böyük hissəsinin nağd vəsait, qalan hissəsinin isə “Cyera”nın səhmləri ilə həyata keçirilməsi gözlənilir.
Süni intellekt agentlərinin sayı sürətlə artdığı üçün şirkətlər bu agentlərin fəaliyyətini izləyən və onlara digər proqram təminatlarına çıxış imkanı verən kibertəhlükəsizlik həllərini tətbiq etməyə məcbur qalırlar. Bu razılaşma müəssisələri süni intellekt dəstəkli kibertəhdidlərdən qoruyan təhlükəsizlik şirkətlərinə yönələn bazarın sürətlə genişləndiyini göstərir.
“Oasis Security” ilə “Accel” və “Cyberstarts” kimi ortaq investorları olan “Cyera” son dövrlərdə satınalma fəaliyyətini sürətləndirib. Şirkət yaxın zamanda “Index Ventures”in dəstəklədiyi “Ryft”i və fəaliyyətə başlamasından hələ bir il keçməyən “Genie Security”ni də öz tərkibinə daxil edib.
Bizi sosial şəbəkələrdən izləyin!!
