Azərbaycanın innovasiya sektorunda qadın sahibkarların sayı sürətlə artmaqdadır.
Bu barədə, Azərbaycan Respublikası Rəqəmsal İnkişaf və Nəqliyyat Nazirliyi yanında İnnovasiyalar və Rəqəmsal İnkişaf Agentiyinin sədri İnarə Vəliyeva "Qadınlar STEM-də" festivalı zamanı deyib.
Onun sözlərinə görə, Agentliyin keçirdiyi "Technest" proqramı çərçivəsində pulsuz treninqlər təşkil olunur.
"Ötən il bu proqramın məzunlarının 43 faizini qadınlar təşkil edib. Bundan başqa, Azərbaycanda startap layihələrinin 28 faizi qadınlar tərəfindən hazırlanıb. Həmçinin qeyd etmək istəyirəm ki, 2022-ci ilin yekunlarına əsasən təşkilat rəhbəri qadınların 30 faizi Agentliyin keçirdiyi konkursda müxtəlif nominasiyalar üzrə qalib olublar",- o qeyd edib.
Qeyd edək ki, STEM təhsildə yeni yanaşmadır. Burada təbii-elmi və texniki biliklər üzrə bütün sahələr birləşir, təlim alanlar isə bu bilikləri dərslikdən deyil, yaradıcı tapşırıqları həll etməklə əldə edir.
trend
Bizi sosial şəbəkələrdən izləyin!!
