“Forbes” bu il 37 – ci dəfə yayımladığı “Ən varlı 400 Amerikalı” siyahısını açıqlayıb.

ABŞ – ın ən varlı şəxsi bir ildə sərvətinə 78.5 milyard dollar qatan və cəmi sərvəti 160 milyard dollara çatan Amazonun CEO – su Ceff Bezos oldu.

Həmçinin oxu: 2018-in ən zəngin qadınları AÇIQLANDI

Siyahıya daxil olan 400 nəfərin sərvətlərinin cəmi dəyəri keçən il 2.7 trilyon idisə, bu il 2.9 trilyona yüksəlib. 24 il ərzində siyahının ilk pilləsində yer alan Microsoft – un qurucusu Bill Qeyts isə 97 milyard dollarlıq sərvəti ilə siyahının ikinci pilləsində qərarlaşıb.

Berkshire Hathaway – in sahibi investor Warren Buffett isə 88.9 milyard dollarlıq sərvəti ilə ABŞ – ın ən varlı üçüncü şəxsidir.

Facebook – un yaradıcısı Zuckerberg bir ildə 10 milyard dollar itirib.

Keçən ilə nəzərən sərvəti 10 milyard dollar azalan Mark Zuckerberg 61 milyard dollar sərvəti ilə dördüncü sırada qərarlaşıb. ABŞ – ın ən varlı beşinci şəxsi isə 58.4 milyard dollarlıq sərvəti ilə Oracle – ın qurucusu Larry Ellison olub.

Tramp siyahıda geriləyib.

ABŞ prezidenti Donald Tramp siyahıda 259 – cu pilləyə geriləyib. Keçən il siyahıda 248 – ci olan Trampın sərvəti 3.1 milyard dollar ilə bu ildə eyni qalıb.

“Ən varlı 400 Amerikalı” siyahısının ilk 10 – luğu və sərvətləri aşağıda əks olunmuşdur:

Tamara Mustafayeva, Banco.az