12 iyul tarixində Azərbaycanın aparıcı korporativ bankı PAŞA Bankın Quba şəhərində yeni filialının rəsmi açılış mərasimi baş tutdu. Filial korporativ, kiçik və orta sahibkarlıq nümayəndələri və PAŞA Bankın əməkhaqqı kart sahibi olan fiziki şəxslərə xidmət göstərəcək.
Ölkəmizdə baş vermiş sığorta hadisələri nəticəsində icbari sığorta müqaviləsi olmayan, naməlum və ya oğurlanmış avtonəqliyyat vasitəsinin sürücüsü tərəfindən sağlamlığa zərər vurulduqda və icbari sığorta müqaviləsinin tərəfi olan sığorta şirkəti iflas etdikdə, İcbari Sığorta Bürosu tərəfindən kompensasiya ödənişləri verilir.
Bakı Fond Birjasında (BFB) ticarət olunan bazarlar üzrə birja üzvlərinin (investisiya şirkətlərinin) 2019-cu il yanvar-iyun ayları üzrə dövriyyələri açıqlanıb.
2019-cu il yanvar-iyun ayları ərzində Bakı Fond Birjasında bütün alətlər üzrə keçirilən əqdlərin ümumi həcmi 8 milyard 883 milyon 618 min manat təşkil edib. Bu, 2018-ci ilin eyni dövrü ilə müqayisədə 24,3% azdır.
Dövlət istiqrazlarının yerləşdirilməsi üzrə əqdlərin həcmi azalıb.
Ötən ilin birinci yarısında dövlət istiqrazlarının (Maliyyə Nazirliyinin istiqrazları) yerləşdirilməsi üzrə 385 milyon 926 min manat ikən, 2019-cu ilin birinci yarısında 324 milyon 806 min manat təşkil edib (61 milyon 120 min manat az).
Paytaxtın nəqliyyat sistemində istifadə olunan "Bakı Kart"ın balansını bu ilin sonuna qədər internetlə artırmaq mümkün olacaq.
Bu barədə Bakı Nəqliyyat Agentliyinin (BNA) mətbuat katibi Mais Ağayev məlumat verib.
Milli Məclisin bu gün keçirilən plenar iclasında “2019-cu il dövlət büdcəsi haqqında” qanunda dəyişiklik edilməsi barədə qanun layihəsi müzakirə edilərək III oxunuşda qəbul olunub.
2019-cu ilin yanvar-iyun aylarında ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 6 milyard 131,6 milyon manat vəsait yönəldilmiş, sərf edilmiş vəsaitin 68,4 faizini bilavasitə tikinti-quraşdırma işlərinin dəyəri təşkil etmişdir.
Azərbaycanda inflyasiya illik müqayisədə 2,4%-dən 2,5%-ə yüksəlib, aylıq müqayisədə isə deflyasiya 0,4 faizdən 0,5%-ə yüksəlib. İllik inflyasiyanın cüzi artmasının səbəbi içkilər və tütün məmulatlarının qiymətləri artmasıdır.
Sənaye müəssisələri və bu sahədə fəaliyyət göstərən fərdi sahibkarlar tərəfindən 2019-cu ilin yanvar-iyun aylarında 23,6 milyard manatlıq və ya 2018-ci ilin müvafiq dövrü ilə müqayisədə 1,8 faiz çox sənaye məhsulu istehsal edilmişdir. Sənayenin qeyri neft-qaz sektorunda məhsul istehsalı 15,7 faiz artmışdır.
