Azərbaycanda yanvar-aprel aylarında toplanan sığorta haqlarının 78,5%i 5 sığorta şirkətinin payına düşür.

Əmanətlərin Sığortalanması Fondunun Himayəçilik Şurasının qərarına əsasən, “Atabank” ASC və “Amrahbank” ASC-də qorunan əmanətlərin kompensasiyaların verilməsi üçün agent bank qismində “Kapitalbank” ASC seçilmişdir.

Bu il mayın 1-nə Azərbaycanın bank sektorunun aktivləri 31 272,8 milyon manat təşkil edib.

Azərbaycan Mərkəzi Bankının məlumatına görə, bu, ötən il mayın 1-i ilə müqayisədə 5,05% çoxdur. 

Bu ilin yanvar-aprel ayları ərzində Azərbaycanda fəaliyyət göstərən sığorta şirkətləri tərəfindən cəmi 311 337 min manat həcmində sığorta haqqı yığılıb.

Bu barədə Azərbaycan Mərkəzi Bankına (AMB) istinadən xəbər verilir.

Azərbaycan Respublikası Mərkəzi Bankı Manatın məzənnəsinə dair məlumat yayıb.

Məlumatda bildirilir ki, 01.06.2020-ci il tarixindən etibarən Mərkəzi Bank tərəfindən ABŞ dollarının manata qarşı rəsmi məzənnəsi 1,7000 səviyyəsində müəyyən olunmuşdur.

“AccessBank” iyun ayının 1-dən yeni depozit kampaniyasına start verir. Kampaniya çərçivəsində bankda AZN valyutasında müddətli əmanət hesabı açan fiziki şəxslər illik 11%-dək qazanmaq imkanı əldə edəcəklər. Belə ki, depozit yerləşdirən müştərilər əmanət məbləğinin 1%-dək bonus qazana bilərlər. Əmanətçilər bonus faizlərini əmanət açdıqları gün əldə edə biləcək və şəxsi vəsaitləri kimi istifadə etmək imkanı qazanacaqlar.

Milli Məclisin bu gün keçirilən plenar iclasında İnzibati Xətalar Məcəlləsinə dəyişikliklər müzakirə edilib.

Məcəlləyə edilən dəyişikliyə əsasən, karantin rejimləri dövründə tənəffüs yollarını qoruyan fərdi vasitələrdən istifadə ilə bağlı tələblərin pozulmasına görə cərimələr müəyyənləşib.

Ölkəmizin ilk kommersiya banklarından biri olan “Expressbank” daha bir sosial layihəyə imza atdı. Belə ki, bankın dəstəyi ilə Şirvan şəhər sakini Samirə Abbasova, Qaradağ və Abşeron rayon sakinləri Aygün Qaryağdı və Sübhan Nuraliyev Expressbank tərəfindən bütün lazımi avadanlıqlarla təchiz edilərək öz kiçik bizneslərini yaratdılar.

Adlar verilən şərabçılıq məhsullarına görə bir sıra dövlət rüsumları ləğv edilib.

Bu, Milli Məclisin bu gün keçirilən plenar iclasında müzakirəyə çıxarılan “Dövlət rüsumu haqqında” Azərbaycan Respublikasının Qanununda dəyişiklik edilməsi barədə” qanun layihəsində əksini tapıb. 

Koronavirus (COVID-19) pandemiyasının davam etməsi, habelə "Azərbaycan Hava Yolları" QSC (AZAL) və onun aşağı büdcəli törəməsi "Buta Airways" aviaşirkətlərinin uçuşlar yerinə yetirdiyi ölkələrin sərhədlərinin bağlanması ilə əlaqədar, iyulun 1-nə qədər uçuş tarixi ilə aviabiletlərin ödənişsiz təxsis edilməsi müddəti uzadılıb.