Müəllif: Tamara Mustafayeva, Banco.az
"Goldman Sachs"a görə, Trampın prezident seçilməsi ABŞ iqtisadiyyatında artıma mənfi təsir göstərəcək.
Banco.az xəbər verir ki, “Goldman Sachs” iqtisadçıları noyabrda keçiriləcək prezident seçkilərində Respublikaçılar və ya Demokratların qalib gəlməsinin ABŞ iqtisadiyyatı üçün mümkün nəticələrini dəyərləndiriblər.
Alek Filipsin aralarında olduğu bankın iqtisadçıları ABŞ-ın keçmiş prezidenti Donald Trampın seçkilərdə qalib gələcəyi təqdirdə ölkə iqtisadiyyatında artımın zərbə alacağı barədə xəbərdarlıq edib.
Trampın vergi və daha sərt immiqrasiya siyasətlərinin artıma vurduğu zərbənin əksər vergi endirimlərinin davam etdirilməsinin müsbət təsirindən daha çox olacağı proqnozlaşdırılır.
“Goldman” iqtisadçıları Trampın qalib gəldiyi ssenaridə artıma azalan təsirin ikinci yarıda 0,5 faiz bəndi ilə zirvəyə çatacağını və təsirlərin 2026-cı ildə azalacağını gözləyirlər.
Əgər ABŞ-ın vitse-prezidenti Kamala Harris seçkidə qalib gələrsə və Demokratlar Konqresin hər iki palatasına nəzarəti ələ keçirərsə, iqtisadçılar 2025-2026-cı illər arasında orta hesabla artımın çox cüzi artacağını proqnozlaşdırırdılar.
Bizi sosial şəbəkələrdən izləyin!!
