Müəllif: Tamara Mustafayeva, Banco.az
“Toyota”nın aprel-sentyabr aylarını əhatə edən maliyyə yarımilində qlobal satış həcmi rekord səviyyəyə çatıb.
Banco.az xəbər verir ki, yapon avtomobil nəhəngi “Toyota”nın qlobal satışları aprel-sentyabr aylarını əhatə edən dövrdə əvvəlki illə müqayisədə 8,3 faiz artaraq 5,6 milyon ədədlə bu vaxta qədərki ən yüksək səviyyəyə çatıb.
Şirkətin bəyanatında bildirilib ki, maliyyə ilinin birinci yarısında qlobal istehsal “Toyota”nın törəmə şirkətləri “Daihatsu Motor Co.” və “Hino Motors Ltd” də daxil olmaqla 10 faiz artaraq 5,7 milyon ədədə çatıb.
“Toyota” və “Lexus” markalı avtomobillərin satışı üzrə bütün bölgələr arasında ən yüksək artım 22 faizlə Afrikada, 17 faizlə Yaxın Şərqdə, 9,4 faizlə Şimali Amerikada və 7 faizlə Avropada qeydə alınıb.
Şirkətin satışları Tailand və İndoneziya kimi yerlərdə iqtisadi yavaşlamalar səbəbindən Yaponiya istisna olmaqla Asiyanın bəzi bölgələrində nisbətən zəif olub.
Bizi sosial şəbəkələrdən izləyin!!
