Müəllif:Mehin Qasımova,Banco.az

Bazar ertəsi qızıl qiymətləri ABŞ Federal Ehtiyat Sisteminin (FED) bu həftə keçiriləcək iclasında faiz endiriminə gedəcəyinə dair gözləntilərin artması fonunda bahalaşıb.

Banco.az xəbər verir ki, investorların optimizmi və dolların zəifləməsi qızılın qiymətinə müsbət təsir göstərib.

Spot qızıl 0,3% artaraq bir unsiya üçün 4 212,70 dollar səviyyəsinə yüksəlib.

Dollar isə bir qədər geri çəkilərək dekabrın 4-də qeydə alınan bir aylıq minimuma yaxın mövqedə qalıb. ABŞ valyutasının zəifləməsi qızılı dollarla alış edən xarici alıcılar üçün daha əlçatan edib.

ABŞ-da istehlak xərcləri sentyabr ayında ardıcıl üç aylıq artımdan sonra təvazökar şəkildə yüksəlib. Bu dinamika özəl sektorda məşğulluq göstəricilərinin iki il yarımın ən kəskin azalmadan sonra baş verməsi fonunda diqqət çəkir.

FED rəsmilərinin bəyanatları isə monetar yumşalma ehtimallarını daha da artırıb.

CME-nin FedWatch alətinin qiymətləndirməsinə əsasən, bazarlar FED-in dekabrın 9–10-da keçiriləcək iclasında 25 baza bəndi həcmində faiz endirimi ehtimalını təxminən 88% olaraq qiymətləndirir. Mütəxəssislər bildirir ki, aşağı faiz dərəcələri adətən gəlir gətirməyən aktivlər — xüsusilə də qızıl üçün güclü dəstək yaradır.