Müəllif:Ayşən  İmanova/Banco.az

Kosmik agentliyi NASA səyahət üçün daha səmərəli və ekoloji cəhətdən təmiz yol təklif edəcək yeni nəsil aşağı emissiyalı kommersiya təyyarələri hazırlamağı planlaşdırır. 

Banco.az xəbər verir ki, kosmik agentliyi 2050-ci ilə qədər Ətraf Mühitin Davamlılığı üçün Qabaqcıl Təyyarə Konseptləri (AACES) təşəbbüsü ilə beş yeni dizayn işlənməsi sifariş edib.

NASA-nın bəyanatına görə, yeni təyyarələrin dizayn konsepsiyalarının hazırlanması ilə məşğul olan təşkilatlara “Boeing Aurora Flight Sciences”, aerokosmik şirkət “Electra”, Corciya Texnologiya İnstitutu, aviasiya startapı “JetZero” və “Pratt & Whitney” daxildir.

NASA tərəfindən maliyyələşdirilən beş tədqiqatı dəstəkləmək üçün mükafatların ümumi məbləği 11,5 milyon dollardır. Hər bir təşkilat alternativ yanacaq mənbələrindən tutmuş hərəkət sistemlərinə və nəqliyyat vasitələrinin aerodinamik dizaynına qədər yeni nəsil təyyarə konseptinin hazırlanmasına unikal təcrübə gətirir.