Tamara Mustafayeva, Banco.az
Facebook Avropada qüvvəyə minən yeni qaydalar səbəbilə Messenger və Instagram tətbiqlərinin bəzi funksiyalarını deaktiv edib.
Banco.az xarici mətbuata istinadla bildirir ki, Facebook şirkəti Avropadakı Messenger və Instagram istifadəçilərinə bəzi funksiyaların müvəqqəti olaraq deaktiv edildiyini bildirib. Belə ki, bu həftə həm Messenger, həm də Instagram platformalarına daxil olan Avropalı istifadəçilər müvafiq bildirişlə qarşılaşıb - "Bəzi funksiyalar aktiv deyil, bu, Avropadakı yeni mesajlaşma qaydalarına görə tətbiq edilir, funksiyaların yenidən istifadə edilməsi üçün çalışırıq."
Facebook şirkəti məhz hansı funksiyaların deaktiv edildiyini dəqiq bildirməsə də, hər iki platformadakı anket sorğularının hazırda Avropada istifadə edilə bilmədiyi, Instagram stikerlərinin və Messenger tətbiqindəki fərdi cavabların mövcud olmadığı qeyd edilir.
Sosial media nəhəngi bu dəyişikliyin müvəqqəti xarakter daşıdığını vurğulasa da, funksiyaların nə zaman yenidən aktiv ediləcəyinə dair açıqlama etməyib.
Həmçinin oxu: "WhatsApp Web" audio və video zəng funksiyası ilə təchiz ediləcək
Bizi sosial şəbəkələrdən izləyin!!
