Müəllif:Mehin Qasımova/Banco.az

Qlobal ödəniş sistemi “MasterCard” bir neçə Amerika bankı arasında bağlanmış müqavilə nəticəsində yaranıb. 

Banco.az MasterCard-ın uğur hekayəsini sizlərə təqdim edir.

“MasterCard”  planetin 210 ölkəsində 22 000 maliyyə institutunu birləşdirən beynəlxalq ödəniş sistemi, transmilli maliyyə korporasiyasıdır.

2023-cü ildə “MasterCard” Korporasiyası bir sıra problemləri həll edən qlobal biznesdir. Bu gün şirkət dünya üzrə bank kartlarının təxminən 20%-ni təşkil edir. Hazırda əsas rəqibləri  “VISA” və “China UnionPay”dır. O, təmassız köçürmələrə, virtual bank kartlarına,  yerli və transmilli onlayn ödənişlərin və kriptovalyuta ilə təhlükəsiz əməliyyatların aparılması üçün digər rahat və faydalı alətlərə əsaslanır.

MasterCard-ın bu gün əsas fəaliyyəti emitent banklar, pərakəndə satış məntəqələri və ya kredit təşkilatları tərəfindən “MasterCard” brendi altında buraxılmış kredit və debet kartları vasitəsilə xidmət göstərən qlobal ekvayinq banklar arasında ödəniş əməliyyatlarının həyata keçirilməsidir. 1966 - cı ildə Banklararası / Master Charge sistemi Kaliforniya Bank Birliyi tərəfindən təsis edilmişdir.Məhsul Bank of America-nın “BankAmericard” bank kartlarına rəqib kimi hazırlanmışdır. Onun 1966-cı ildə  ilk qrafik loqosu  təqdim edilir. 1968 -cı ildə  Meksikalı Banco Nacional ilə ilk beynəlxalq müqavilə bağlayır. Elə həmin il “Avropa Eurocard” ilə strateji müqaviləni imzalayır.  “Mastercard International” və “Europay International” arasında tərəfdaşlıq hər iki assosiasiya üçün çox əhəmiyyətli olur: o, birinciyə Avropa bazarına, ikincisinə isə Amerika bazarına çıxış imkanı verir. 1999- cı ildə “MasterCard” ingilis tərəfdaşı “Access” kartı əldə edir. 2006- cı ildə “Mastercard International” adını “MasterCard Worldwide” olaraq dəyişdir. 2002-ci ildə Europay International və MasterCard International-ın birləşməsi nəticəsində MasterCard Europe yaranır. Eyni zamanda MasterCard International özəl səhmdar şirkətə çevrilir. Bu bank assosiasiyasından yaranmış ilk özəl səhmdar şirkətdir. 2006- cı ildə yeni korporasiya loqosunun təqdimatı baş tutur. Dairələrin sayı üçə qədər artır və loqo Venn diaqramına bənzəyir. “Ticarətin ürəyi” adlı yeni şüar da təklif edilir. Yeniləmələrin əsas məqsədi biznesi genişləndirməkdir. 2006 –ci ildə  MasterCard ictimai korporasiyaya çevrilir. 2012- ci ildə MasterCard-ın mobil təmassız ödəniş proqramı bütün Yaxın Şərqdə genişlənir. 2014-ci ildə şirkət Apple-ın yeni “iPhone” modellərinə mobil pul kisəsi seçimi əlavə edir. 2019 – cu ildə  yeni rebrendinq, loqonun tanış və müasir iki kəsişən dairəyə, qırmızı və narıncıya dəyişdirilməsi baş tutur. 2021 – ci ildə  “MasterCard” kriptovalyutalara üz tutur, lakin dəstəklədiyi rəqəmsal valyutaları diqqətlə seçəcəyini söyləyir. 2021 – ci ildə  “Bakkt” kriptovalyutasının virtual saxlanması ilə müqavilə bağlanır. Müqavilə ABŞ istifadəçilərinə kriptovalyuta ilə adi ödəniş sistemi çərçivəsində əməliyyatlar həyata keçirmək hüququ verir - al, saxla və sat. Bu, kriptovalyuta kartlarının - həm debet, həm də kredit emissiyasının başlanğıcını qeyd etdi. Çin bazarı yalnız 1987-ci ildə MasterCard-la tanış olur, bir il sonra isə Sovet İttifaqında ilk ödəniş kartı buraxılır. 2022- ci ildə “MasterCard” Rusiyada müştərilərə xidmət göstərməyi dayandırdı. 

Bu gün “Mastercard” rəhbərliyi altında bir neçə böyük ticarət nişanı (TM) və törəmə şirkətləri birləşdirir.

“MasterCard Electronic "- Yüksək riskli vəziyyətlərdə hesablamalar aparmaq üçün xüsusi olaraq hazırlanmış unikal məhsuldur. 

“Maestro” - 1990-cı ildə yaradılmış debet kartları ailəsidir. Belə kart həm cari hesaba, həm də əvvəlcədən ödənilmiş nağd pul limitinə bağlana bilər. Yalnız iki variantda mövcuddur - maqnit zolağı və mikroçip. Emitent bankdakı vəsait qalığının onlayn avtorizasiyası və ödənişin imza və ya PİN kodu ilə təsdiqlənməsi tələbi ilə fərqlənir. 

“Mondex” - elektron fondlardan istifadə etməklə ödənişlər etmək üçün məhsuldur. Müştəri kartda quraşdırılmış çiplə ifadə olunan elektron pul kisəsinə nağd pul yükləyə bilər.

“Mastercard Contactless”- (Mastercard PayPass)  ISO/IEC 14443 standartlarına əsaslanan EMV-uyğun təmassız ödənişdir. Sadə sözlə desək, bu, bank kartına və ya smartfona toxunaraq/ödənişə yaxınlaşmaqla ödəniş etmək üçün rahat və artıq tanış olan texnologiyadır.

“Banknet”-  bütün “Mastercard” emitentlərini və prosessinq mərkəzlərini vahid şəbəkədə birləşdirən telekommunikasiya şəbəkəsidir. 

“Cirrus”-  MasterCard Korporasiyasına məxsus bankomat şəbəkəsidir.

Yekun olaraq, “MasterCard” brendi altında təqdim edilmiş bütün zamanların ən populyar beş bank məhsuluna nəzər salaq.

Hazırda siz MasterCard-dan aşağıdakı məhsullar üçün müraciət edə bilərsiniz: “Mastercard Virtual”, “Prepaid, Maestro”, “Unembossed”, “Standard”, “Gold”, “Platinum”, “World”, “World Elite” və “World Black Edition”. 

“Cirrus”, “Mastercard Electronic” və “Mastercard World Signia” artıq bank təşkilatlarında sifariş vermək üçün mövcud deyil. 

Bizi sosial şəbəkələrdən izləyin!!

Facebook

Instagram

Telegram