Müəllif:Mehin Qasımova,Banco.az

Qızıl qiymətləri cümə günü ABŞ-ın məşğulluq məlumatlarının gözləniləndən daha güclü olması Federal Ehtiyat Sisteminin dekabr ayında faiz dərəcələrini azaltmayacağına dair gözləntiləri gücləndirdikdən sonra ucuzlaşıb.

Banco.az xəbər verir ki, spot qızılın unsiyası 0,4 faiz ucuzlaşaraq 4057 dollar olub.

GoldSilver Mərkəzi Baş direktoru Brian Lan deyib ki, dollar  əhəmiyyətli dərəcədə güclənib:

"Fed-in faiz endirimlərinə davam edib-etməyəcəyi ilə bağlı spekulyasiyalar geniş yayılıb. Bazar hazırda olduqca qeyri-sabitdir. Dekabrın sonuna yaxınlaşdıqca, bir çox investorun qazanc əldə etdiyini görürük".

Həftə ərzində yüksələn dollar indeksi (DXY) bir ayın ən güclü həftəsinə hazırlaşır. Güclü dollar qızılı digər valyutalara sahib olan investorlar üçün bahalaşdırır.

ABŞ Əmək Departamentinin federal hökumətin bağlanması ilə təxirə salınan hesabatı göstərdi ki, sentyabr ayında kənd təsərrüfatından kənar əmək haqqı 119,000 nəfər artıb ki , bu da bazarın 50,000 gözləntisindən xeyli yüksəkdir.

Bazarlar FED-in gələn ay faiz dərəcələrini aşağı salması ehtimalını təxminən 39% səviyyəsində müəyyən edir . Heç bir gəlir gətirməyən qızıl faizlərin aşağı olduğu dövrlərdə daha cəlbedici olur.

Spot gümüş XAG= 0,5 faiz ucuzlaşaraq 50,35 dollara, platin XPT= 0,4 faiz artaraq 1,521,41 dollara və palladium XPD= 1,377,50 dollara bərabər olub.