Bank VTB (Azərbaycan) ASC-nin istehlak kreditləri üzrə portfeli 2013-cü il dekabrın 1-nə 86 425,7 min manata çatmışdır ki, bu da ötən ilin müvafiq dövrü ilə müqayisədə üç dəfə çoxdur.
Bankın ümumi kredit portfeli ötən ilin müvafiq dövrü ilə müqayisədə 150 % artaraq 167 346,2 min. manat təşkil etmişdir.
Bank VTB (Azərbaycan) dekabrın 26-da kredit üzrə on mininci müştərisi olan Yaqubov Vüqar Əjdər oğlunu qiymətli hədiyyələrlə təltif etmişdir. Belə ki, V.Yaqubova LG markalı televizor, "on minici müştəri" sertifikatı, 2 000 manat kredit limiti olan "Gold" səviyyəli kredit kartı təqdim olunmuşdur.
Azərbaycanda nağdsız ödənişlərin əhatə dairəsini genişləndirmək məqsədi ilə “Bank of Baku” Bolkart üzrə ödəmə müddətini əlavə 3 ay artırır. Beləliklə, 27-31 dekabr 2013-cü il tarixləri arası Bolkart-ın keçərli olduğu partnyor mağazalarda 3 aylıq ödəmə 6 ay, 6 aylıq ödəmə 9 ay, 12 aylıq ödəmə isə 15 ay olacaq. 1 aylıq ödəmə müddətli olan mağazalarda isə 3 ay sonra ödəmək mümkündür.
Unibank-ın ALBALI kart sahibləri üçün növbəti sürprizi olan “ALBALI kartınızla alış-veriş edin və qazanın” tirajlı stimullaşdırıcı lotereyasının bitməsinə cəmi 5 gün qalıb. ALBALI kartı ilə cəmi 10 manatlıq alış-veriş sizə 1000 AZN pul uduşu qazandıra bilər.
Bu gün “AtaBank”-ın baş ofisində facebook səhifəsinin fanlarına dəyərli hədiyyələr təqdim olundu. Aktivliyi ilə fərqlənən, müxtəlif təşəbbüslərlə çıxış edən fanlar “AtaBank” tərəfindən Yeni il münasibəti ilə mükafatlandırılıblar. Yeni il çərçivəsində Səbuhi Cumşüdə, Aynur Bənnayevaya, Gülüstan Qəhramanovaya, İlahə Rəhimliyə , Elmirə Əzizovaya, Sevgi Hüseynovaya və Ülkər Cəfərovaya “AtaBank”-dan bahalı hədiyyələr təqdim olunub.
Unibank.az və hesab.az vasitəsi ilə Unibanka kredit ödənişləri zamanı heç bir komissiya tutulmayacaq. Unibank müştərilərdən tutulan komissiya xərcini öz üzərinə götürüb. Qeyd edək ki, indiyədək MilliKart üzvü olmayan bank kartları ilə onlayn kredit ödənişləri zamanı 1.18% əlavə komissiya tutulurdu.
Albalıdan daha bir ilsonu hədiyyəsi var. Dekabrın 31-dək NLT Telecomdan istədiyi telefonu 6 , 12 ay müddətinə alan hər kəs , məhsulun dəyərini heç bir faiz ödəmədən, nağd qiyməti ilə ödəyəcək.
DəmirBank at ilində anadan olan (1954, 1966, 1978 və 1990-cı illər) müştərilərə istehlak kreditləri üzrə illik faiz dərəcəsində 4% endirim təqdim edir. Aksiya 1 fevral 2014-cü il tarixinədək davam edəcək.
Aksiya müddətində Banka müraciət edən digər müştərilərə isə illik faiz dərəcəsində 2% endirim edilir. Müştəri aksiya çərçivəsində yalnız bir kredit məhsulundan yararlana bilər. Qeyd edək ki, aksiya ipoteka və avtomobil kreditlərinə şamil edilmir.
Müştərilərin rahatlığını təmin etmək məqsədi ilə “Bank of Baku” Bolkart sifarişinin yeni üsulunu təqdim edir. Artıq kart sifarişini Bolkartın keçərli olduğu şəhərimizin iri ticarət mərkəzləri və mağazalarındakı “Bank of Baku” stendlərindən etmək mümkündür. Bu ticarət obyektlərində bankın xüsusi anketini əldə edib doldurmaq, sonra isə mobil telefonla anketin şəklini çəkib WhatsApp-la 055/050 447-00-55 nömrələrindən birinə göndərmək tələb olunur.
Kampaniya şərtləri Bal Hədiyyəli Müddətli Əmanət Kampaniyası, 1-31 Dekabr tarixləri arasında, yalnız bir dəfə, ən az 250 AZN və üzəri məbləğdə yeni müddətli əmanət açacaq Worldcard müştəriləri üçün keçərlidir. Kampaniyada mükafat qazana bilmək üçün 31 dekabra qədər əmənətlər pozulmamalıdır. Qazanılan mükafat ballar 10 yanvar 2014-cü il tarixində kampaniyada iştirak edən müştərilərin hesabına yüklənəcəkdir. Kampaniyada Virtual kart və Worldcard Business xaric bütün Worldcardlar iştirak edir.
