“AtaBank” ASC, onlayn xidmətlər portalı www.Hesab.az və Visa İNC beynəlxalq ödənişlər sistemi ilə birlikdə “Oturduğunuz yerdən hədiyyələr qazanın!” adlı kampaniya davam edir.
Kampaniyanın şərtlərinə əsasən, 31 oktyabr tarixinədək portalın bütün istifadəçiləri topladıqları bonusları elektron lotereya biletlərinə dəyişə bilər və qiymətli hədiyyələr qazana bilərlər.
Qurban Bayramı ərəfəsində “Bank of Baku” Bolkart sahibləri üçün yeni aksiyaya start verir. Aksiya çərçivəsində hər bir Bolkart sahibinə Qurban Bayramı üçün öz güzəştli alış-veriş kampaniyasını seçmək imkanı verilir. Belə ki, müştərilər bayram alış-veriş planlarına uyğun kampaniyanı özləri seçəcək.
Müştərilərə seçim üçün 2 güzəştli kampaniya (A və B) təklif edilir:
DəmirBank müştərilərə mobil danışıq dəqiqələri qazandıran MobilKart plastik kartlarını təqdim etməkdə davam edir.
MobilKart ilə əməliyyat edən müştərilərin kartla dövriyyələrinin 0,4%-i həcmində mobil telefon nömrələrinə DəmirBank tərəfindən danışıq dəqiqələri köçürülür. Bu kartdan Azərbaycanda olan istənilən mobil operatordan istifadə edən müştərilər yararlana bilərlər.
Unibank peşə bayramları münasibəti ilə prokurorluq işçiləri, poçt əməkdaşları, müəllimlər, yanğınsöndürənlər, dəmir yolu işçiləri və energetiklər üçün kredit faizlərini endirdi. Bu peşələrin sahibləri oktyabrın 30-dək, Unibank filiallarından 3 faiz endirimlə kredit ala bilərlər. Dəyərli peşə sahibləri bank filiallarından maksimal 7500 AZN-dək və 48 ay müddətinədək kredit götürə biləcəklər. Üstəlik hər bir müştəriyə minimum 300 AZN balanslı üzvlük kartı da hədiyyə edilir.
Qurban Bayramı ərəfəsində “Bank of Baku” Bolkart sahibləri üçün nağdlaşdırma kampaniyası elan edir. 11-17 oktyabr 2013-cü il tarixləri arası kartdan pul çıxaran Bolkart sahibləri, dekabrın 10-dək faizsiz ödəniş imkanı qazanır. Maksimal nağdlaşdırma məbləği – 1000 manat. Nağdlaşdırmanın komissiya haqqı 4%-dir.
“Bank Technique” ölkədə sahibkarlara kiçik biznes kreditlərinin verilməsini genişləndirmək məqsədi ilə yeni kredit layihəsi – qrup kreditlərinə start verir.
Bu növ kreditlərdən bir-birini yaxşı tanıyan, eyni ərazidə yaşayan və ya eyni müəssisədə işləyən istehsalat, xidmət, ticarət və kənd təsərrüfatı fəaliyyəti ilə məşğul olan qruplar yararlana bilərlər.
“Bank of Baku” Bolkart kredit kartının dövriyyəyə buraxılmasının 2 illiyi münasibətilə kart sahibləri üçün “2 il sevirik, sevilirik” aksiyasına başlayır. Aksiya çərçivəsində 150.000-dən çox Bolkart sahibini müxtəlif kampaniya, uduşlu müsabiqə və yeni fürsətlər gözləyir. “Sevirik, sevilirik” aksiyasında kart sahibləri daha əlverişli şərtlərlə və yeni məkanlarda alış-veriş imkanı, hədiyyələr, bayram öncəsi nağd vəsait əldə edəcək və digər üstünlüklər qazanacaq.
DəmirBank bankomatlar və POS terminallar vasitəsilə plastik kartı aktivləşdirmək imkanını tətbiq edib. Müştəri bankomatda və POS terminalda kartla ilk əməliyyat zamanı PİN kodu yığdıqda kart dərhal aktivləşir.
Bu imkan bütün kartlara (virtual kartlar istisna) şamil olunub. Tətbiq edilən yenilik plastik kartlar sahəsində müştəri xidməti keyfiyyətinin artırılmasına xidmət edir, belə ki kartın aktivləşdirilməsi artıq avtomatik qaydada həyata keçirilir.
4-6 oktyabr tarixlərində Bolqarıstanın paytaxtı Sofiya şəhərində Kyokuşin karate növü üzrə birinci dünya çempionatı keçirilib. 45 ölkənin 264 idmançısının iştirak etdiyi yarışda Azərbaycanı layiqincə “Bank Technique”in əməkdaşı Mehrac Gülməmmədov təmsil edib. İdmançımız 80 kiloqram çəki dərəcəsində 3-cü yerə yüksələrək, Azərbaycana dünya çempionatının bürünc medalını qazandırıb və Azərbaycan bayrağını Sofiyada dalğalandırıb.
