Bundan sonra Unibanka depozit yatıran müştərilər daha yüksək faizlər əldə edəcəklər. Çünki bank “Müddətli” əmanət növü üzrə ABŞ dolları ilə qoyulan əmanətlər üçün faiz dərəcəsini artırıb. Dəyişikliyə əsasən, vətəndaşlar bu əmanət növü üzrə 1-3 il müddətinə dollarla olan depozitlərini illik 10-14%-lə yerləşdirə biləcəklər. Əvvəlki şərtlərlə müqayisədə “Müddətli” əmanət növü üzrə faizlər 1,5%-dək yüksəlib.
“DəmirBank” Şəki filialının yeni modern dizaynda təmir olunmuş ofis binasının açılış mərasimini keçirib. Açılış mərasimində Şəki şəhər İcra Hakimiyyəti başçısı, Bank rəhbərliyi, filial müdirləri və digər məsul şəxslər iştirak ediblər.
2 Fevral 2015-ci il tarixindən etibarən ASB-nin bütün “Mastercard” müştəriləri avtomatik olaraq “3D Secure” xidmətinə qoşulacaqdırlar.
Artıq “NBC Bank”ın müştəriləri kreditlərini eManat terminallarında rahat ödəyə bilərlər.
"AtaBank" ASC-nin 2014-cü ilə maliyyə-təsərrüfat nəticələri uğurlu olub. Belə ki, ötən il aktivlərin dinamikasında 54,8 % və ya 205,4 mln manat artım müşahidə olunmuşdur. Başqa sözlə, ilin əvvəlində aktivlər 374,9 mln manat təşkil edirdisə, ilin yekunlarına görə bu rəqəm 580,3 mln manata çatmışdır.
Xəbər verdiyimiz kimi, Expressbank 28 Mall ticarət mərkəzində, Instagram və Facebook istifadəçiləri arasında “Gülə-gülə Yeni İlə” adlı fotomüsabiqə keçirib. Bu gün müsabiqə sona çatıb və qalibləri müəyyənləşib.
“Azərbaycan Sənaye Bankı” bank proqram təminatının yenilənməsi ilə bağlı işlərə başlamışdır. Proqram təminatının yenilənməsi ilə bağlı Türkiyənin qabaqcıl şirkətlərindən “Intertech” ilə əməkdaşlıq etməkdədir.
“Intertech” şirkəti ilə əməkdaşlıq çərçivəsində, Bankın proqram təminatı yenilənəcək, internet və mobil bankçılıq xidmətləri müştərilərə təqdim ediləcəkdir.
"Moody’s Investors Service" beynəlxalq reytinq agentliyi tərəfindən Bank VTB (Azərbaycan)-a ölkə bankları arasında ən yüksək reytinqlərdən birinin verilməsi, Bankın yüksək etibarlılığının təsdiqidir. "Moody’s" reytinq agentliyi ilk dəfə Bank VTB (Azərbaycan)-a yerli və xarici valyutada “Ba3” səviyyəsində uzunmüddətli reytinq verib.
1 yanvar 2015-ci il tarixindən etibarən fiziki şəxslərin banklardakı əmanətlərinə hesablanan faiz gəlirlərindən vergi tutulacaq. Vergi Məcəlləsinə edilən dəyişikliyə görə, 500 AZN-dən aşağı gəlirlər vergidən azaddır. Hansı məbləğdə olan və hansı faizlə yerləşdirilən əmanətlərdən vergi tutulmayacaq? Bu suallara “Unibank” KB-nin “Məhsulların və Proseslərin inkişafı Departamenti”nin şöbə müdiri Vəfa Zeynalova aydınlıq gətirib.
