Cari ilin yanvar-sentyabr aylarında Azərbaycandan avtomobil nəqliyyatı ilə 991 min 834 ton yük ixrac olunub. Dövlət Gömrük Komitəsindən verilən məlumata görə, bu nəqliyyat növü ilə ölkəyə idxal olunan yüklərin həcmi 1 milyon 683 min 453 ton təşkil edib.
Bu ilin yanvar-sentyabr aylarında Azərbaycandan MDB ölkələrinə 853 milyon 336 min ABŞ dolları dəyərində məhsul ixrac edilib. Dövlət Gömrük Komitəsindən bildirilib ki, bu göstərici ötən ilin eyni dövrünə nisbətən 125 milyon 621 min dollar çoxdur.
Sənaye müəssisələri və bu sahədə fəaliyyət göstərən fərdi sahibkarlar tərəfindən yanvar-sentyabr aylarında 34,7 milyard manatlıq və ya keçən ilin müvafiq dövrü ilə müqayisədə 1,7 faiz çox sənaye məhsulu istehsal edilib. Sənayenin qeyri neft-qaz sektorunda məhsul istehsalı 15,6 faiz artıb.
Sentyabrın 1-nə ölkə iqtisadiyyatında muzdla çalışan işçilərin sayı ötən ilin eyni dövrü ilə müqayisədə 4,6 faiz artaraq 1 milyon 611,1 min nəfər olub. Dövlət Statistika Komitəsindən bildirilib ki, onlardan 899 min nəfəri iqtisadiyyatın dövlət sektorunda, 712,1 min nəfəri isə qeyri-dövlət sektorunda fəaliyyət göstərib.
Əmək və Əhalinin Sosial Müdafiəsi Nazirliyi tərəfindən hazırlanan “Ünvanlı dövlət sosial yardımın alınması üçün müraciət edilməsi, onun təyin olunması, verilməsi və verilməsindən imtina edilməsi Qaydaları”nda dəyişikliklər edilməsi barədə” Nazirlər Kabinetinin qərar layihəsində Qaydalara müvafiq dəyişiklik edilməsi nəzərdə tutulub.
“Standard İnsurance” Sığorta Şirkətinin nizamnamə kapitalı artırılıb.
Xəbər verdiymiz kimi, kapital mövqeyinin möhkəmləndirilməsi məqsədilə sığorta şirkətinin yeganə səhmdarı “AB Standard” QSC “Standard İnsurance”ın nizamnamə kapitalının 1,6 milyon manat artırılmasına qərar vermişdi.
Avqustun əvvəllərindən başlayaraq ABŞ-ın bir sıra ştatlarında xəstəliklərə nəzarət və profilaktika mərkəzləri elektron siqaretlə bağlı olduğu iddia edilən xəstəlik hallarını araşdırıb. Bu da seqmentdəki 4 qanuni istehsalçının: “Tilray”, “Canopy Growth”, “Aurora Cannabis” və “Cronos Group”un maliyyələşməsini 10 milyard dollar azaltmışdır.
Doqquz ayda ölkədə 58 milyard 464,2 milyon manatlıq və ya əvvəlki ilin eyni dövrü ilə müqayisədə 2,5 faiz çox ümumi daxili məhsul (ÜDM) istehsal olunub. Dövlət Statistika Komitəsindən bildirilib ki, iqtisadiyyatın qeyri-neft-qaz sektorunda istehsal olunmuş əlavə dəyər 3,5 faiz, neft-qaz sektorunda isə 1,1 faiz artıb.
“Azərbaycanın bütün rayon və şəhərlərində yaradılmış əhalinin siyahıya alınmasına yardım komissiyalarından daxil olmuş məlumatlara görə, ölkəmizdə keçirilən növbəti siyahıyaalma əsasən başa çatıb”.
Bu ilin yanvar-sentyabr aylarında pərakəndə ticarət şəbəkəsində satılmış məhsulların dəyəri əvvəlki ilin eyni dövrü ilə müqayisədə 3,0% artaraq 27,6 milyard manat olub.
