Müəllif: Tamara Mustafayeva, Banco.az
“Deutsche Bank” Türkiyənin inflyasiya proqnozunu yüksəldib.
Banco.az xəbər verir ki, son inflyasiya məlumatlarından sonra xarici qurumlar 2024-cü ilin qalan hissəsində Türkiyədə faiz endiriminə şərait olmadığı qənaətindədirlər.
Ən son qiymətləndirmə isə “Deutsche Bank” tərəfindən edilib.
Bankın 4 noyabr tarixli hesabatında inflyasiya gözləntiləri artırılsa də, pul siyasətinin yumşaldılmasının 2025-ci ilin yanvarında başlayacağı proqnozu qorunub.
Hesabatda oktyabr ayı məlumatlarının inflyasiyada yeni bir yüksəliş sürprizinə işarə etdiyi, bununla belə disinflyasiyanın davam edəcəyi bildirilib.
Təhlildən sonra bank 2024 və 2025-ci il inflyasiya proqnozlarına artan istiqamətdə düzəlişlər edib.
Buna görə, bankın 2024-cü il sonu Türkiyənin inflyasiya proqnozu 44 faizdən 45 faizə çatdırılıb. 2025-ci il üçün proqnoz isə 25 faizdən 25,4 faizə yüksəldilib.
Bizi sosial şəbəkələrdən izləyin!!
