Müəllif: Tamara Mustafayeva, Banco.az
“Twitter”in təsirinin keçməsi ilə dogecoin kəskin dəyər itirib.
Banco.az xəbər verir ki, İlon Maskın “Twitter” veb versiyada klassik mavi quş loqotipini dogecoin loqosu ilə əvəz etməsindən sonra bazar ertəsi bu kriptovalyutada 30 faizdən çox bahalaşma qeydə alınmışdı.
Beləliklə, dogecoin 0,076 dollardan 0,10 dollara qədər bahalaşmışdı. Bununla belə, “Twitter”də loqo dəyişikliyi istisna olmaqla, dogecoin-in istifadəsi ilə bağlı heç bir qərar açıqlanmamışdı.
Odur ki, çərşənbə axşamından etibarən sözügedən kriptovalyuta üzrə satışlar başlayıb. Bugün intensivləşən satışlardan sonra Bakı vaxtı ilə 13:50-də dogecoin ötən sutka ərzində 9,8 faiz dəyər itirib və nəticədə 0,082 dollara düşüb.
Bizi sosial şəbəkələrdən izləyin!!
