Müəllif: Tamara Mustafayeva, Banco.az
Türkiyədə sənaye istehsalı fevral ayında əvvəlki aya görə 6 faiz, illik isə 8,2 faiz azalıb.
Banco.az xəbər verir ki, Türkiyə Statistika Təşkilatı (TÜİK) sənaye istehsalı məlumatlarını açıqlayıb.
Buna görə, ölkədə sənaye istehsalı fevral ayında illik müqayisədə 8,2 faiz azalıb. Bu, son 3 ildə ən böyük azalma kimi qeydə alınıb.
“Bloomberg” sorğusunda iştirak iqtisadçıların gözləntisi sənaye istehsalının aylıq 2 faiz, illik isə 1,5 faiz artacağı idi.
Sənayenin alt sektorları təhlil edildikdə görünür ki, sözügedən dövrdə mədənçıxarma və karxana sənayesi sektoru indeksi ötən ilin eyni dövrü ilə müqayisədə 18,2 faiz, emal sənayesi indeksi 8,2 faiz, elektrik enerjisi, qaz, buxar və kondisioner istehsalı və paylama sektoru indeksi isə 4,5 faiz azalıb.
Bizi sosial şəbəkələrdən izləyin!!
