Müəllif: Tamara Mustafayeva, Banco.az
ABŞ prezidenti Donald Tramp yay vaxtına keçidi dayandırmağa çağırıb.
Banco.az xəbər verir ki, ABŞ-ın yenicə seçilmiş prezidenti Tramp “Truth Social” sosial şəbəkəsindəki hesabından yay vaxtı ilə bağlı açıqlama verib.
Tramp iddia edib ki, ABŞ-da tətbiq olunan yay vaxtına keçid ölkəyə çoxlu xərc və narahatlıq yaradır.
"Respublika Partiyası kiçik, lakin güclü müdafiəçi bazası olan, lakin həyata keçirilməməli olan yaz vaxtının ləğvi üçün hər cür səy göstərəcək", açıqlamada deyilir.
ABŞ-da bəzi respublikaçı senatorlar uzun müddətdir ki, Konqresi yay vaxtına keçidi ləğv etməyə çağırırlar. ABŞ-da yay vaxtına keçid bu il martın 10-da başlayıb və 2024-cü il noyabrın 3-də saatların bir saat geri çəkilməsi ilə başa çatıb.
Xatırladaq ki, Birinci Dünya Müharibəsindən bu yana ABŞ-da müxtəlif üsullarla tətbiq edilən yay vaxtı 1966-cı ildə qəbul edilən federal qanunla ölkə daxilində tətbiq olunmağa başlayıb.
Bizi sosial şəbəkələrdən izləyin!!
