Müəllif: Tamara Mustafayeva, Banco.az
“Goldman Sachs”: Texnologiya səhmlərinin cəlbedici qiymətləndirmələri var.
Banco.az xəbər verir ki, Piter Oppenhaymerin rəhbərlik etdiyi komanda tərəfindən yayımlanan araşdırma qeydində bildirilib ki, “gözlənilən artıma nisbətdə dəyərinin qlobal ümumi bazardan aşağı düşməsi” səbəbilə texnologiya sektorunun son dövrdəki zəif göstəriciləri cəlbedici imkanlar yaratmağa başlayıb.
Strateqlər qeyd ediblər ki, texnologiya sektorunun pul axınları iqtisadi artıma daha az həssas olduğundan, İranda baş verən müharibənin qlobal iqtisadiyyata verə biləcəyi hər hansı davamlı zərbə bu sektor üçün faydalı ola bilər.
Texnologiya şirkətlərinin səhmləri sürətli gəlir artımı, kəskin yüksələn mənfəət və bazardakı üstün mövqeləri sayəsində ötən ilin oktyabr ayında rekord səviyyələrə çatmışdı. Həmin vaxtdan etibarən isə süni intellektə yönələn xərclərin sürətlə artması ilə bağlı narahatlıqlar və daha məqbul qiymətləndirilən sahələrə yönəlmə səbəbindən səhmlər geriləyib.
Piter Oppenhaymer bildirib ki, investorlar bu qədər böyük yatırımların gətirəcəyi gəlirin həcmi ilə bağlı narahatlıq keçirirlər, eyni zamanda süni intellektin mövcud biznes modellərinə göstərə biləcəyi dağıdıcı təsirdən də ehtiyat edirlər. O, həmçinin vurğulayıb ki, artan hesablama gücündən asılılıq gələcək artımın getdikcə daha çox fiziki dünyaya bağlı hala gəlməsi deməkdir.
Bizi sosial şəbəkələrdən izləyin!!
