Əlcəzairin Energetika naziri və Neft İxrac edən Ölkələr Təşkilatnın (OPEC) Sədri Məhəmməd Arkab, 2020-ci ilin ikinci yarısında neft bazarında toparlanmanın başlayacağını söyləyib.
Arkab, "Neft istehsalındakı azalma və müxtəlif ölkələrdə yeni növ koronavirus (Kovid-19) səbəbilə bağlanmış iş yerlərinin açılması ilə 2020-ci ilin ikinci yarısında neft bazarında toparlanma başlayacaq", -deyib.
Arkab, qiymətin düşməsinin Kovid-19-dan qaynaqlandığını, vəziyyətin müvəqqəti olduğunu və təhlükəli hesab etmədiyini dilə gətirib.
Avstriyanın paytaxtı Viyanada 6 Martda təşkil edilən OPEC və OPEC-ə üzv olmayan bəzi neft istehsal edən ölkələrin nazirlərinin yığıncağından hər hansı bir qərar çıxmamışdı və Brent neftin qiyməti 31 dollara qədər geriləmişdi.
Həmçinin Çində ortaya çıxan Kovid-19 dünya daxilində xam neft tələbinə mənfi təsir edir. Bununla da əlaqədar olaraq dünən Brent neftinin qiyməti 15 dollar səviyyələrinədək düşmüşdü. Bakı vaxtı ilə saat 08:20-də Brent nefti 21,39 dollardan ticarət olunub.
marja
Bizi sosial şəbəkələrdən izləyin!!
