İnvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR
Beynəlxalq valyuta birjalarında FED-in bazar ertəsi uçot faizini 0.25%-ə kimi azaltması və aparıcı dövlətlərin mərkəzi bankları tərəfindən dollar kreditlərini asanlaşdırmaları qərarına dair xəbərlər, EUR/USD məzənnəsinin ucuzlaşması dinamikasının zəifləməsinə səbəb olub. Yuxarıdakılara baxmayaraq, avro 1.12$-ın altında qaldıqca, ucuzlaşmaqda davam edə biləcəyi proqnozları yüksək olaraq qalır.
GBP
GBP/USD məzənnəsində də ucuzlaşma dinamikası zəifləyib. Lakin burada da təhlillər onu göstərir ki, 1.22$-ın qırılması ilə GBP/USD məzənnəsində ucuzlaşma dərinləşəcəkdir.
Qeyd etmək lazımdır ki, İngiltərədə inflyasiya və iqtisadi inkişafın daha da azalması proqnozlaşdırılır.
TRY
USD/TRY məzənnəsi 6.31TL-nin üzərində ticarət edilməkdədir və 6.33TL-nin yuxarı istiqamətdə qırılması ilə 6.46TL-yə kimi də bahalaşa bilər.
OIL
Enerji birjalarında Brent markalı neftin bir barel qiyməti 33$-ın altında dalğalanmaqdadır və 37$-ın altında qaldıqca, ucuzlaşmanın davam edəcəyi proqnozlaşdırılır. Dünya bazarlarında neft təklifinin artması ehtimalları, qiymətlərin ucuzlaşmasına səbəb olan əsas amildir.
GOLD
Əlvan metallar birjalarında qızılın bir unsiya üzrə qiyməti yenidən 1524$-da (49 $/qram) dəstək görərək, bahalaşmağa başlayıb. Təhlillərə əsasən, qiymət 1575$-ın (50.6 $/qram) qırılması ilə yenidən bahalaşmağa başlaya bilər və növbəti ən yaxın hədəflər 1610 (51.8 $/qram) və 1650$-dır (53.1 $/qram).
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” QSC-nin Analitika Departamenti
“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
Risk bildirişi
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.
