Müəllif - Fərid İslamov - Banco.az

Taiwan Semiconductor Manufacturing Company (TSMC) şirkətinin ABŞ iqtisadiyyatına etdiyi genişmiqyaslı investisiyalar ölkəyə mikroçip istehsalında dünya liderliyini geri qaytarmağa kömək etməyəcək. Bu barədə Financial Times-a Playground Global vençur fondunun tərəfdaşı və Intel Corp-un keçmiş rəhbəri Pət Gelsinger bildirib.

“Əgər sizin ABŞ-da tədqiqat və inkişaf fəaliyyətləriniz (NIİK) yoxdursa, deməli, ABŞ-da yarımkeçirici sənayesində də liderliyiniz olmayacaq, - deyə Gelsinger qeyd edib. - TSMC bütün NIİK fəaliyyətlərini Tayvanda həyata keçirir və bu prosesləri başqa bir yerə köçürmək niyyətində olduqlarını bəyan etməyiblər.”

TSMC bildirib ki, ABŞ-da həyata keçirməyi planlaşdırdığı yeganə inkişaflar artıq mövcud olan texnoloji proseslərlə bağlı olacaq, əsas tədqiqat və inkişaf fəaliyyətləri isə Tayvanda qalacaq.

“Əgər siz yeni nəsil tranzistor texnologiyalarını ABŞ-da layihələndirmirsinizsə, deməli, ABŞ-da liderliyiniz yoxdur,” - deyə Gelsinger vurğulayıb.

Bununla belə, qabaqcıl texnoloji proseslər sahəsində geriləməsinə baxmayaraq, ABŞ hələ də digər ölkələrlə müqayisədə bir çox digər müasir texnologiyalar baxımından üstünlüyə malikdir. Gelsinger hesab edir ki, bu texnologiyalar süni intellekt (Sİ) sahəsində liderlərin müəyyən edilməsində həlledici rol oynayacaq.