Müəllif: Tamara Mustafayeva, Banco.az
ING strateqləri dolların bahalaşacağını və avronun zəifləyəcəyini gözləyirlər.
Banco.az xəbər verir ki, “ING” strateqlərinin fikrincə, istiqraz bazarındakı satış təzyiqi dolların möhkəmlənməsini dəstəkləyir. Padreyk Qarvi və Frantişek Taborskinin də daxil olduğu “ING” strateqləri mayın 20-də yayımlanan “FX Daily” hesabatında bildiriblər ki, istiqraz bazarında davam edən satış dalğası və ABŞ-də yüksək real gəlirlilik gözləntiləri dolların güclənməsi üçün əlverişli şərait yaradır.
Hesabatda yaxın müddətdə gəlirlilik səviyyələrinin həddindən artıq yüksəlməsi riskinin olduğu, gərginlik azalsa belə, real gəlirliliyin yüksək səviyyədə qala biləcəyi qeyd olunub. Sənəddə “2025-ci ildən fərqli olaraq, bu satış dalğası fiskal narahatlıqlardan deyil, inflyasiya ilə bağlı qorxulardan qaynaqlanır və bu da dollar üçün açıq şəkildə müsbət amildir” qiymətləndirməsinə yer verilib.
Strateqlər bildiriblər: “Fevral ayında dolların ucuzlaşmasının struktur deyil, dövri xarakter daşıdığını müdafiə etdiyimiz zaman dolların ABŞ səhmləri və 10 illik xəzinədarlıq istiqrazlarının gəlirliliyi ilə əlaqəsini birləşdirən təhlükəsiz liman göstəricisi hazırlamışdıq. Hazırda bu göstərici 2022-ci ilin sonundan bəri dollar üçün ən güclü təhlükəsiz liman cəlbediciliyinə və 2005-ci ilə qədər uzanan məlumat bazamızda ikinci ən yüksək səviyyəyə işarə edir.”
“Körfəz” bölgəsindən həqiqətən müsbət xəbərlər gəlmədiyi müddətdə dollar üzrə yüksəliş risklərinin üstünlük təşkil etməyə davam etdiyi vurğulanaraq qeyd olunub: “Dünən NATO-nun gəmilərin keçidini dəstəkləmək məqsədilə Hörmüz boğazına müdaxilə etməyi nəzərdən keçirdiyinə dair xəbərlər riskli aktivlərdə ciddi yüksəliş yarada bilmədi.”
Bizi sosial şəbəkələrdən izləyin!!
