Müəllif:Ayşən İmanova/Banco.az
Finlandiya Müdafiə Nazirliyinin 2025-ci il üçün büdcəsi təxminən 6,5 milyard avroya çatacaq, ilk dəfə olaraq ölkənin NATO-ya üzvlüyü üçün 67 milyon avro ayrılacaq.
Banco.az xəbər verir ki, bu, parlamentə təqdim olunan büdcə layihəsində göstərilib.
Bildirilir ki, Müdafiə Nazirliyinin 2025-ci il üçün büdcəsi hazırkı büdcədən 488 milyon avro çoxdur.
2024-cü ilin faktiki büdcəsi ilə müqayisədə əməliyyat xərcləri 115 milyon avro artacaq. Şəxsi heyətin sayının təxminən 140 nəfər artacağı gözlənilir.
NATO-ya üzvlüklə bağlı yeni resurs tələblərini ödəmək üçün əlavə 67 milyon avro ayrılacaq. Hesabatda bunlara Finlandiyada yaradılacaq yerüstü komandanlıq qərargahı və Finlandiyada Quru Qüvvələrinin genişləndirilməsi daxildir.
Ümumilikdə, Finlandiyanın 2025-ci il büdcəsinə 88,8 milyard avro dövlət xərcləri, 76,6 milyard avro gəlir və 12,2 milyard avro kəsir daxildir.
Bizi sosial şəbəkələrdən izləyin!!
