Müəllif:Ayşən İmanova/Banco.az
Amerikanın telekommunikasiya avadanlığı istehsalçısı “Cisco” süni intellekt və kibertəhlükəsizlik kimi yüksək inkişaf edən sahələrə diqqət yetirmək üçün işçi qüvvəsinin 7%-ni ixtisar etdiyini elan edib.
Banco.az xəbər verir ki, bu barədə “Reuters” məlumat yayıb.
Qeyd olunur ki, “Cisco” hazırda tədarük zəncirinin pozulması və pandemiyadan sonra tələbin yavaşlaması səbəbindən çətinliklərlə üzləşmiş nəhəng şəbəkə avadanlıqları biznesindən asılılığını azaltmağa çalışır. Fevral ayında şirkət qlobal işçi qüvvəsinin 5%-ni və ya 4000-dən çox iş yerini ixtisar edəcəyini bildirmişdi.
“Running Point Capital”ın baş investisiya direktoru Maykl Eşli Şulmanın sözlərinə görə, ixtisarlar “Cisco”ya proqram təminatı, xidmətlər, süni intellekt və kibertəhlükəsizlik kimi inkişaf sahələrinə diqqətini saxlamağa imkan verəcək.
Cari rüb üçün yüksək mənfəət proqnozlaşdırdıqdan sonra şirkətin səhmləri uzunmüddətli hərraclarda 5% artıb. “Biz ehtiyatlardan istifadəni başa çatdırdıq və indi daha normallaşdırılan tələbat mühitinə qayıdırıq”, - deyə baş direktor Çak Robbins analitiklərə bildirib.
Bizi sosial şəbəkələrdən izləyin!!
