Bu ilin yanvar-sentyabr aylarında Azərbaycan bank sektorunun faiz gəlirləri 1 437,3 mln. manat, faiz xərcləri 687,8 mln. manat, qeyri-faiz gəlirləri 779,7 mln. manat, qeyri-faiz xərcləri 708,5 mln. manat təşkil edib.

Bu barədə Maliyyə Bazarlarına Nəzarət Palatasına istinadən xəbər verir.

Mənfəətdə və zərədə olan bankların tam siyahısı ilə buradan tanış ola bilərsiniz: TƏHLİL: Mənfəətdə və Zərərdə olan Banklar (30.09.2017)

Son nəticədə bank sektorunun xalis əməliyyat mənfəəti 820,8 mln. manat olub.

Banklar aktivlər üzrə mümkün zərərin ödənilməsi üçün xüsusi ehtiyatların yaradılmasına 321,3 mln. manat yönəldib, digər mənbələrdən 2,9 mln. manat gəlir əldə edib, 22,7 mln. manat isə mənfəət vergisi ödəyib. Bununla da Azərbaycanın bank sektoru ilin ilk 9 ayını 479,7 mln. manat xalis mənfəətlə başa vurub. Bunun 128,9 mln. manatı sentyabrda əldə edilib. 

Mənbə: Report.az