Müəllif: Gülnar Əhmədli, Banco.az
Dünyanın ən məşhur və böyük bankları əsasən ABŞ-da yerləşir. Avropanın ən böyük bankları arasında isə Fransa bankları üstünlük təşkil edir.
Banco.az S&P Global-ın məlumatlarına əsasən xəbər verir ki, Fransadan ilk 10-luqda beş bank yer alır. Avropanın ümumi aktivlərinə görə ən böyük bankı isə 3,3 trilyon dollarlıq aktivlərlə BNP Paribas-dır:
-
BNP Paribas (Fransa): 3,279 trilyon dollar
-
HSBC (Böyük Britaniya): 3,212 trilyon dollar
-
Credit Agricole Group (Fransa): 3,149 trilyon dollar
-
Banco Santander (İspaniya): 2,252 trilyon dollar
-
Barclays (Böyük Britaniya): 2,078 trilyon dollar
-
Groupe BPCE (Fransa): 1,987 trilyon dollar
-
Societe Generale (Fransa): 1,813 trilyon dollar
-
Deutsche Bank (Almaniya): 1,685 trilyon dollar
-
UBS Group (İsveçrə): 1,617 trilyon dollar
-
Credit Mutuel Group (Fransa): 1,442 trilyon dollar
BNP Paribas 2000-ci ildə Fransanın iki böyük bankı olan BNP və Paribasın birləşməsi nəticəsində yaradılıb. Fransa ilk 10-luqda BNP Paribas-la yanaşı, Credit Agricole, Groupe BPCE, Societe Generale və Credit Mutuel bankları ilə də təmsil olunur.
Böyük Britaniyanın HSBC və Barclays bankları siyahıda ikinci və beşinci yerləri tutur. Almaniyanın isə ilk 10-luqda yalnız Deutsche Bankı var.
Bizi sosial şəbəkələrdən izləyin!!
