Müəllif: Tamara Mustafayeva, Banco.az
Avropa İttifaqı (AB) ölkələrində ilin ikinci rübündə şirkətlərin iflas ərizələri əvvəlki rüblə müqayisədə 3,1 faiz artıb.
Banco.az xəbər verir ki, Avropa Statistika İdarəsinin (Eurostat) açıqladığı 2024-cü ilin ikinci rübünə aid şirkət iflas məlumatlarına görə, Aİ ölkələrində şirkət iflasları ikinci rübdə ilin birinci rübü ilə müqayisədə 3,1 faiz artıb.
İkinci rübdə fəaliyyət sahələrinə görə iflaslarda ən çox artım 3,8 faiz ilə tikinti sektorunda, 2,6 faiz ilə maliyyə əməliyyatlarında, 2,4 faiz ilə ticarətdə və 1,6 faiz ilə sənayedə olub.
Sözügedən dövrdə yeni biznes qeydiyyatları da əvvəlki rüblə müqayisədə 2,1 faiz azalıb.
Bizi sosial şəbəkələrdən izləyin!!
