Müəllif: Tamara Mustafayeva, Banco.az
Avropa İttifaqında (Aİ) kənd təsərrüfatı məhsullarının qiyməti 2023-cü ili 2 faiz artımla başa vurub.
Banco.az xəbər verir ki, kənd təsərrüfatı məhsullarının ümumi qiymətlərində məhdud artım olsa da, zeytun yağı və kartof kimi bəzi məhsulların qiymətləri orta həddən xeyli yuxarı qalxıb.
Avropa İttifaqında (Aİ) kənd təsərrüfatı məhsullarının qiymətləri 2022-ci ildəki 24 faizlik artımdan sonra 2023-cü ildə 2 faiz artımla daha sabit tendensiya reallaşdırıb.
Avropa Statistika Təşkilatı (Avrostat) tərəfindən açıqlanan ilkin məlumatlara görə, kənd təsərrüfatında istehlak edilən mal və xidmətləri əhatə edən vəsaitlərin orta qiymətində 5 faizlik əhəmiyyətli azalma müşahidə olunub.
Kənd təsərrüfatı məhsullarının ümumi qiymətində məhdud artım olsa da, bəzi məhsulların qiyməti orta həddən xeyli yuxarı qalxıb. Zeytun yağı, kartof, donuz əti və yumurtanın qiymətində müvafiq olaraq 54 faiz, 23 faiz, 22 faiz və 20 faiz olmaqla əhəmiyyətli artımlar qeydə alınıb.
Bizi sosial şəbəkələrdən izləyin!!
