Müəllif: Tamara Mustafayeva, Banco.az
“General Motors” Orion Assambleyası obyektini elektrik yük maşını fabrikinə çevirmək üçün 4 milyard dollarlıq investisiya planını təxirə salıb.
Banco.az xəbər verir ki, ABŞ-ın ən böyük avtomobil istehsalçılarından biri olan “General Motors” Orionda 4 milyard dollar sərmayə qoymağı planlaşdırdığı elektrik yük maşını fabriki investisiyasını 2025-ci ilin sonuna qədər təxirə salıb.
Şirkətdən verilən açıqlamada elektrik yük maşını istehsalına çevriləcək mövcud fabrikin boş qalmaması və inkişaf etməkdə olan elektromobil tələbinə uyğunlaşarkən kapital qoyuluşlarının daha yaxşı idarə edilməsinin zəruriliyi də vurğulanıb.
Avtomobil nəhənginin məhsullarının gəlirliliyini artırmaq üçün həyata keçiriləcək mühəndislik təkmilləşdirmələrinə də diqqət yetirdiyi bildirilib.
Bizi sosial şəbəkələrdən izləyin!!
