Bu gün Azərbaycanın qabaqcıl banklarından biri olan “AtaBank” ASC özünün “AtaNet” internet bankçılıq məhsulunun təqdimat mərasimini keçirdi. İlk təqdimat cari ilin fevral ayında keçirilmişdir. Bu dəfə isə tədbirdə bankın həm fiziki, həm də hüquqi şəxs olan müştəriləri iştirak etmişdir. Təqdimat mərasimində yeni xidmətdən istifadənin təhlükəsizliyi məsələlərinə xüsusi diqqət yetirilmişdir.
DəmirBank iyun ayında girov qoymaqla kredit götürmək istəyənlər üçün “Əmlak girovlu kredit” adlı yeni kredit aksiyasına start vermişdi. Aksiyanın 30 sentyabr 2014-cü il tarixinədək davam edəcəyi nəzərdə tutulsa da, məhsula olan tələbatı nəzərə alaraq müddət 2014-cü ilin 30 noyabr tarixinədək uzadılmışdır.
Vətəndaşların suallarını ən qısa zamanda və dəqiq cavablandırmaq, səhifə istifadəçilərinin marağında olan məlumatları, kampaniyaları paylaşmaqla ümumilikdə müştəri məmnuniyyətinə nail olmaq - Unibank-ın rəsmi facebook səhifəsinin əsas iş prinsipi budur.
Unibank müştəriləri banka gəlmədən belə, bank xidmətlərindən istifadə edə, müqavilələri imzalaya biləcəklər. Çünki Unibank tezliklə “Asan İmza” (Mobil imza) xidmətinə qoşulacaq. Bankın həm fiziki, həm də korporativ müştəriləri bu xidmətdən istifadə etməklə, rahat və təhlükəsiz şəkildə bank əməliyyatlarını apara biləcəklər. “Asan İmza” (Mobil imza) elektron-xidmətlərə daxil olan və rəqəmsal imzalar edən zaman kimliyini təsdiqləmək üçün müştərinin mobil identifikasiyasıdır.
Expressbank-ın əməkdaşları mütəmadi olaraq müxtəlif idman yarışlarında iştirak edib, yüksək nəticələr əldə edirlər. Bu dəfə bankın əməkdaşı Səxavət Əliyev oktyabr ayında İstanbulda keçirilən dünya çempionatında qızıl medal qazanıb.
Kənd təsərrüfatının inkişafı ölkənin ərzaq təhlükəsizliyinin təminatında əsas rol oynadığından, bu sahə hər zaman dövlətin diqqətindədir. Unibank da ölkə iqtisadiyyatının inkişafına öz töhfəsini daim artırmaq üçün məhsul və xidmətlərində kənd təsərüfatı sahəsinə xüsusi diqqət yetirir. Elə bu məqsədlə, bank kənd təsərrüfatı işçilərinin 1 noyabr peşə bayramı günü ilə bağlı bu sahədə çalışanlar üçün kreditləri çox sərfəli etdi.
Mobil rabitə istifadəçilərinin “Bank of Baku”-nun korporativ saytına girişini asanlaşdırmaq məqsədilə bank saytının mobil versiyası istifadəyə verilib. Artıq Windows, iPhone, Android, Blackberry əməliyyat sistemlərində fəaliyyət göstərən mobil telefonlarla sayta rahat daxil olub, bankın geniş çeşidli məhsul və xidmətlərindən daha çevik faydalanmaq olar.
DəmirBank-ın 2014-cü ilin avqust ayından etibarən VISA Gold və VİSA Platinum kart sahibləri üçün tətbiq etdiyi xərclənmiş vəsaitlərin bir hissəsinin geri ödənişi (Cashback) aksiyası davam edir.
Unibank təhsillə bağlı daha bir layihədə iştirak edir. 01-02 noyabr tarixlərində British Council Azərbaycanın təşkilatçılığı ilə Bakıda keçirilən növbəti “Education UK” sərgisinin əsas dəstəkçisi Unibank-dır.
