Əmək məzuniyyəti ilə bağlı maraq doğuran məqamlardan biri məzuniyyətlərin verilməsində növbəlilikdir. Mövzunu sərbəst auditor Altay Cəfərov şərh edir.
Rusiya Federasiyasının Baş naziri Mixail Mişustin özüməşğul vətəndaşların 2019-cu ildə ödədikləri vergilərin qaytarılması barədə sərəncam imzalayıb. Nazirlər Kabinetinin saytında yayımlanmış məlumatda qeyd edilib ki, qaytarılma prosesi avtomatik şəkildə aparılacaq və vəsaitlər vətəndaşların bank kartlarına köçürüləcək.
2020-ci ilin aprelində Türkiyə ilə Azərbaycanın ticarət dövriyyəsi 138 243,056 min dollar təşkil edib ki, bu da ötən ilin apreli ilə müqayisədə 29 092,723 min dollar azdır.
Bu barədə Türkiyə Ticarət Nazirliyindən bildiriblər.
Azərbaycan Mərkəzi Bankı (AMB) bu günə olan rəsmi valyuta məzənnələrini açıqlayıb.
2020-ci ilin iyunun 1-də ABŞ dollarının məzənnəsi dəyişməyərək 1,7000 manat təşkil edib. 1 Avronun məzənnəsi 1,8927 manat, 1 Türk lirəsi 0,2496 manat, Rusiya rublu isə 0,0242 manat səviyyəsində müəyyənləşib.
“Louis Vuitton Moët Hennessy” (LVMH) şirkətinin başçısı və Avropanın ən varlı adamı Bernar Arno "ultravarlı" statusunu yenidən qazanıb.
“Forbes Real Time” nin məlumatına görə, onun sərvəti yenidən 100 milyard dollara çatıb.
ICE London qitələrarası birjasında keçirilən ticarət əməliyyatlarının gedişində Brent neftinin ixracına dair 2020-ci ilin avqust müqaviləsinin dəyəri 0,77% azalaraq 1 barelə görə 37,55 dollar təşkil edib.
Nyu-Yorkun NYMEX əmtəə birjasında iyulda ixrac etməklə WTI markalı neftin 1 barelinin dəyəri 0,85% azalaraq 35,19 dollar təşkil edib.
Bu gündən Gürcüstanda iri ticarət mərkəzləri və “Mall”ların fəaliyyətinə qoyulmuş qadağa tam götürülüb.
Müvafiq qərar Gürcüstan Qurumlararası Kordinasiya Şurası tərəfindən qəbul edilib.
Azərbaycanda yanvar-aprel aylarında toplanan sığorta haqlarının 78,5%i 5 sığorta şirkətinin payına düşür.
Əmanətlərin Sığortalanması Fondunun Himayəçilik Şurasının qərarına əsasən, “Atabank” ASC və “Amrahbank” ASC-də qorunan əmanətlərin kompensasiyaların verilməsi üçün agent bank qismində “Kapitalbank” ASC seçilmişdir.
Bu il mayın 1-nə Azərbaycanın bank sektorunun aktivləri 31 272,8 milyon manat təşkil edib.
Azərbaycan Mərkəzi Bankının məlumatına görə, bu, ötən il mayın 1-i ilə müqayisədə 5,05% çoxdur.
