“AFB Bank” ASC-nin Müşahidə Şurası Səhmdarların Ümumi Yığıncağının növbədənkənar iclasını çağırıb.
20 Oktyabr 2019-cu il tarixində keçiriləcək iclasın gündəliyinə "Bankın əməkdaşlarının əməkhaqqı miqdarına baxılması barədə" və "digər məsələlər" daxildir.
Polşanın Böyük Britaniyadakı səfiri Arkadi Jeqotski Polşa vətəndaşlarına "Brexit"dən sonra bu ölkəni tərk etmək barədə düşünməyi tövsiyə edib. O, Polşada həyat səviyyəsinin yaxşılaşdığını və geri qayıtmaq üçün çox yaxşı fürsət yarandığını söyləyib. Səfir İngiltərədə yaşayan polyakları ya yaşadıqları ölkədə vətəndaşlıq statusu üçün müraciət etməyə, ya da geri qayıtmaqla gələcəklərini təmin etməyə çağırıb.
Yaxın aylarda "Azericard" prosessinq mərkəzinin digər tərəfdaş bankları da təmassız mobil ödəniş xidmətlərini öz müştərilərinə təqdim edə biləcəklər. Bunu "9-cu Beynəlxalq Xəzər Enerji Forumu – 2019" tədbirində çıxış edən "Azericard" şirkətinin baş direktoru Fərid Quliyev deyib. Onun sözlərinə görə, hazırda bu xidmət Azərbaycan Beynəlxalq Bankının müştərilərinin istifadəsinə verilib: "Hazırda biz 19 yerli və 2 xarici banka sözügedən xidməti göstəririk.
"Əgər bərpa olunan enerji mənbələrindən il ərzində 1 milyard kilovatsaat elektrik enerjisi istehsal edə bilsək, bu, ildə bizə, təxminən, 245 milyon kubmetr təbii qaza qənaət edilməsinə imkan verəcək". Bu haqda Energetika naziri Pərviz Şahbazov Yeni Azərbaycan Partiyasında (YAP) keçirilən mətbuat konfransında bildirib.
"2030-cu ilə qədər elektrik enerjisi istehsalı gücündə bərpa olunan enerji mənbələrinin payını 30 faizə çatdırmaq əsas hədəflərdəndir". Bunu Yeni Azərbaycan Partiyasında (YAP) keçirilən mətbuat konfransında Energetika naziri Pərviz Şahbazov bildirib. Nazir qeyd edib ki, elektrik enerjisi istehsalında bərpa olunan enerji mənbələrinin payı, təqribən, 8 faizdir.
Azərbaycan Respublikasının Prezidenti İlham Əliyev sentyabrın 19-da Ümumçin Xalq Nümayəndələri Yığıncağı Daimi Komitəsinin sədri Li Canşunun başçılıq etdiyi nümayəndə heyətini qəbul edib.
Nümayəndə heyətinin üzvlərini salamlayan Prezident İlham ƏLİYEV deyib:
Bu gün iqtisadiyyat naziri Şahin Mustafayev Çinin Maşınqayırma Sənayesi Kooperasiyasınin (SİNOMACH) tabeliyində fəaliyyət göstərən CAMCE şirkətinin prezidenti, Korporasiyanın bazar araşdırmaları üzrə direktoru Luo Yanın başçılıq etdiyi nümayəndə heyəti ilə görüşüb.
ICE London qitələrarası birjasında keçirilən ticarət əməliyyatlarının gedişində Brent neftinin ixracına dair noyabr müqaviləsinin dəyəri 0,47% artaraq 1 barelə görə 64,70 dollar təşkil edib.
Nyu-Yorkun NYMEX əmtəə birjasında noyabrda ixrac etməklə WTI markalı neftin 1 barelinin dəyəri 0,84% artaraq 58,62 dollar təşkil edib.
Məşhur Çin markası Huawei, yeni simsiz Sport Bluetooth Headphones Lite qulaqlıqlarını istehsal etməyi planlaşdırdığını açıqlayıb.
AccessBank maraqlanan təşkilatları tenderdə iştirak etməyə dəvət edir.
Bankın məlumatında deyilir ki, tender təmir-tikinti işlərinin aparılması ilə əlaqədar elan olunub.
