Sazişini yenidən nəzərdən keçirdiyini səbəb göstərərək, bu ölkələrdən idxal edilən polad və alüminiuma tətbiq olunan gömrük vergisini ləğv etmişdi. ABŞ Ticarət Nazirliyi Çin, Meksika və Kanadanın inşaatda istifadə edilən idxal polad istehsalçılarına dəstək verdiklərini, Kanadanın polad istehsalına göstərdiyi dəstəyin önəmsiz həcmdə olduğunu və buna qarşılıq verilməyəcəyini, Çin və Meksikadan idxal edilən polada isə əlavə gömrük vergisi qoyulacağını bildirib.
Kredit təşkilatları məqsədinə görə növbənöv kreditlər təklif edir. Bunlardan biri də biznes qurmaq və ya qurulmuş biznesi genişləndirmək üçün verilən kreditlərdir. Banklardan asılı olaraq biznes kreditlərinin mikro kreditlər, kiçik və orta sahibkarlıq üçün biznes kreditləri, aqro kreditlər, Sahibkarlığa Kömək Milli Fondu xətti ilə verilən kreditlər və s. kimi növləri vardır.
Avropa Komissiyası, ticarət gərginlikləri və siyasi qeyri-müəyyənliklərin region üzərində təzyiq yaratdığını qeyd edərək, Avro Bölgəsi üzrə 2020-ci ilə dair iqtisadi inkişaf və inflyasiya proqnozunu aşağı salıb.
2019-cu ilin əvvəlindən "kölgə iqtisadiyyatı"nda cəmlənmiş dövriyyələrin mühüm hissəsinin "ağarması" və iqtisadiyyatda ilkin şəffaflaşma əlamətlərinin müşahidə edilməsi nəticəsində vergi daxilolmalarında əhəmiyyətli artım qeydə alınıb. Şəffaflaşmanı əks etdirən daha bir mühüm indikator elektron qaimə ilə rəsmiləşən dövriyyələrin artmasıdır.
Çində ənənəvi olaraq yemək zamanı çəngəl əvəzinə xüsusi çubuqlardan istifadə olunur. Ölkədə hər il istifadə olunan birdəfəlik çubuqların sayı 45 milyarda çatır və bunların istehsalı üçün 25 milyon ağac kəsilir. Buna görə də hökumət birdəfəlik yemək çubuqlarına 5 faizlik xüsusi vergi tətbiq edir. Bu addım əhalini plastik materiallardan düzəldilmiş davamlı şəkildə işlədilən çubuqlardan istifadəyə təhrik etmək üçün atılıb.
Bu ilin ilk yarısında Gürcüstanın beynəlxalq turizmdən əldə etdiyi gəlirləri 1,5 milyard ABŞ dolları təşkil edib.
Bu barədə Gürcüstan Milli Turizm Agentliyinin ilkin hesablamalara əsasən təqdim etdiyi hesabatında bildirilib.
2019-cu ilin yanvar-may aylarında ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 7,9 faiz artaraq 583,7 manat olmuşdur.
Çin Mərkəzi Bankının (PBOC) yüksək vəzifəli bir rəsmisi "Facebook Inc." şirkətinin gələn il bazara çıxaracağını elan etdiyi "Libra" adlı kriptovalyutasının mərkəzi bankların nəzarəti altına alınması lazım olduğunu söyləyib.
Neft qiymətləri, ABŞ-da xam neft ehtiyatlarının azalmaqda davam etməsi və Orta Şərqdə artan təzyiqin neft nəqlini ləngidəcəyi narahatlığını yaratması ilə yüksəlib.
Amerika Neft İnstitutunun (API) məlumatlarına görə, ABŞ-da xam neft ehtiyatları ötən həftə 8.13 milyon barrel düşüb.
ABŞ Prezidenti Donald Tramp, Hindistanın Amerika mallarına gömrük vergisi qoymasına daha çox imkan verməyəcəklərini bildirib.
Tramp, rəsmi Twitter hesabından verdiyi açıqlamada, "Hindistan Amerika məhsullarına gömrük vergisi qoyaraq uzun müddət yaxşı vaxt keçirdi. Artıq qəbuledilməzdir", - ifadəsini istifadə edib.
