Müəllif: Tamara Mustafayeva, Banco.az
“TikTok” platforması "Whee" adlanan yeni foto paylaşma tətbiqini təqdim edib.
Banco.az xəbər verir ki, Çinin qısa-video yayım platforması “Tiktok” “Instagram”a rəqib yeni tətbiq hazırlayıb.
Tətbiq hazırda “Google Play” və “App Store”da mövcuddur.
Qeyd edək ki, “TikTok”dan fərqli olaraq, “Whee”dəki paylaşılanlara yalnız dostlar baxa və reaksiya verə bilər. Bu yaxın dost yönümlü tətbiq istifadəçilərin ən səmimi hisslərini ifadə edə biləcəyi bir məkan yaratmağı hədəfləyir.
“Whee”nin funksiyaları istifadəçi təcrübəsini artırmaq üçün nəzərdə tutulub. İstifadəçilər birbaşa tətbiqdən və ya telefonun kamera lentindən çəkilmiş şəkilləri paylaşa bilərlər. Yaradıcı toxunuş üçün tətbiqdaxili foto filtrləri də mövcuddur. Maraqlıdır ki, digər platformalardan fərqli olaraq, “Whee” şəkil paylaşarkən yazı yazılmasını tələb etmir.
Hazırda “Whee” yalnız ABŞ-dan kənarda seçilmiş bazarlarda mövcuddur. Məhdud əhatə dairəsinə baxmayaraq, tətbiq artıq sosial media həvəskarlarının diqqətini çəkib. Xatırladaq ki, tətbiq hələ ki, video məzmunu dəstəkləmir.
Bizi sosial şəbəkələrdən izləyin!!
