Atmosferə karbon qazı buraxılmasına vergi qoyulmasından böyük gəlirlərin gəlməsi gözlənilir. Bununla əlaqədar hökumət xəbərdarlıq edib: əldə olunan vəsaitlər Almaniya büdcəsinə kömək etməlidir. Maliyyə naziri Olaf Şolts iqlim paketi çərçivəsində vergi daxilolmalarının idarə edilməsi ilə bağlı hesabat hazırlayıb.
Saat 10:10-a banklarda Dolların və Avronun alış-satış qiymətlərini təqdim edirik. Əlavə edək ki, banklardakı məzənnələr gün ərzində bir neçə dəfə dəyişə, həmçinin, bankların filiallarında fərqli ola bilər.
Bu gün Bakıda "Strateji məhsul" mövzusunda beynəlxalq seminar keçirilir.
Azərbaycan Sahibkarlar Konfederasiyasının, İslam Ticarət-Sənaye və Kənd Təsərrüfatı Palatasının, İslam İnkişaf Bankının təşkilatçılığı ilə baş tutmuş tədbir pomidorçuluğun və fındıqçılığın inkişafına həsr olunub.
Bir müddət öncə məlum oldu ki, Rusiya Azərbaycan və Gürcüstandan keçməklə (Bakı-Tbilisi-Qars dəmir yolu xətti ilə) Türkiyəyə, oradan da Avropaya çatdırılma məqsədi ilə yük daşımalarının, o cümlədən konteyner daşımalarının bir hissəsini Trans-Sibir (Transsib) dəmir yolu xəttinə keçirməyi planlaşdırır.
Azərbaycan qazının Avropaya çatdırılması üçün inşa olunan Trans-Adriatik Boru Kəməri (TAP) marşrutunun Yunanıstan və Albaniyadan keçən hissəsində xəndəkqazma işlərinin 99%-dən çoxu tamamlanıb.
Bu barədə TAP konsorsiumu məlumat yayıb.
Quş ətinin sənaye üsulu ilə istehsalını həyata keçirən şirkət eyni zamanda onun topdan və pərakəndə şəkildə satışını həyata keçirir. Yaxın vaxtlarda isə müəssisə diri quşlardan əldə olunan quş zılının ilkin formada, yarımfabrikat kimi istifadə edilərək yeni məhsula çevrilmədən, kimyəvi tərkibi dəyişdirilmədən, konservləşdirilmədən və qablaşdırılaraq satışını həyata keçirməyi planlaşdırır.
Yaponiyanın Baş naziri Şinzo Abe bildirib ki, rəhbərlik etdiyi hökumət oktyabrın 1-də artırılmış istehlak vergisinin təsirini azaltmaq üçün lazımi bütün addımları atacaq. Həmin verginin 8 faizdən 10 faizə qaldırılmasının zərurətdən irəli gəldiyini vurğulayan Baş nazir əldə ediləcək vəsaitin ödənişsiz məktəbəqədər təhsilə və körpələrə qulluq göstərilməsinə yönəldiləcəyini bildirib.
İqtisadiyyat Nazirliyinin Sahibkarlığın İnkişafı Fondunun təşkilatçılığı ilə Saatlıda keçirilən işgüzar forum çərçivəsində Aran iqtisadi rayonunda fəaliyyət göstərən sahibkarlara 1,4 milyon manatadək güzəştli kredit verilib. Nazirlikdən verilən məlumata görə, kreditlər heyvandarlıq, bağçılıq, çörək istehsalı müəssisəsinin yaradılması və s. sahələrin inkişafına yönəldiləcək.
2019-cu ilin sentyabr ayı ərzində Dövlət Neft Fondunun hərraclar vasitəsilə satdığı valyutanın məbləği açıqlanıb. Fonddan verilən məlumata görə, ötən ay 618,95 milyon ABŞ dolları məbləğində vəsait satılıb. Bu, avqust ayı ilə müqayisədə 196,45 milyon dollar azdır. Qeyd edək ki, avqust ayı ərzində Fond 815,4 milyon ABŞ dolları məbləğində valyuta satıb.
Amerika Birləşmiş Ştatlarının məşhur "Ceoworld" nəşri bu il investisiya yatırmaq üçün ən yaxşı ölkələrin siyahısını açıqlayıb. Reytinq cədvəli hazırlanarkən 67 ölkə korrupsiyanın səviyyəsi, şəxsi, ticarət və pul azadlığı, əmək, investorların qorunması, infrastruktur, vergilər, həyat keyfiyyəti, bürokratiya və texnologiya kimi 11 fərqli kateqoriyada qiymətləndirilib.
