Müəllif: Gülnar Əhmədli, Banco.az
Azərbaycanın sığorta şirkətləri avtonəqliyyat vasitələrinin könüllü sığortası (KASKO) üzrə 2024-cü ilin yanvar-may aylarında 23 milyon 471 min manat sığorta haqqı yığıblar.
Banco.az bu barədə Azərbaycan Mərkəzi Bankına istinadən xəbər verir.
Hesablamalarımıza görə, bu, 2023-cü ilin eyni dövrü ilə müqayisədə 5 milyon 477 min manat və ya 30,4% çoxdur.
Hesabat dövründə sığorta ödənişlərinin məbləği isə 896 min manat və ya 11,8% artaraq 8 milyon 469 min manata çatıb. Ötən ilin yanvar-may aylarında bu növ üzrə yığımların məbləği 17 milyon 994 min manat, ödənişlərin məbləği isə 7 milyon 573 min manat olub.
Bizi sosial şəbəkələrdən izləyin!!
