Müəllif: Tamara Mustafayeva, Banco.az
Bolqarıstandan maye qaz və təbii qaza 3 aylıq vergi güzəşti.
Banco.az xəbər verir ki, Bolqarıstan Parlamenti mayeləşdirilmiş neft qazının (LPG) və təbii qazın 1 oktyabr–31 dekabr 2026-cı il tarixləri arasında xüsusi istehlak vergisindən (AİQ) azad edilməsini nəzərdə tutan qanun dəyişikliyini qəbul edib.
Parlamentdə keçirilən səsvermə zamanı LPG və təbii qazdan üç ay müddətində xüsusi istehlak vergisinin tutulmamasını nəzərdə tutan dəyişiklik səs çoxluğu ilə qəbul edilib.
Dəyişikliyə əsasən yanacaq kimi istifadə olunan LPG və təbii qaz 1 oktyabr–31 dekabr 2026-cı il tarixləri arasında xüsusi istehlak vergisindən azad ediləcək. İlkin hesablamalara görə bu tətbiq nəticəsində dövlət büdcəsinin üç aylıq dövrdə təxminən 20 milyon avro vergi gəlirindən məhrum olması gözlənilir.
Digər tərəfdən Bolqarıstan Rəqabətin Qorunması Komissiyası Rusiyanın enerji şirkəti “Lukoyl”un ölkədəki şirkətlərindən benzin və dizelin topdansatış qiymətlərinin müəyyənləşdirilməsi ilə bağlı ətraflı məlumat tələb edib.
Bizi sosial şəbəkələrdən izləyin!!
