Müəllif:Mehin Qasımova/Banco.az
ABŞ Federal Ehtiyat Sisteminin yanvar toplantısında siyasət faizini gözləntilərə uyğun olaraq 5,25-5,50 faiz aralığında dəyişməyərək saxlayıb.
Banco.az xəbər verir ki, iqtisadçılar FED-in qərarını dəyərləndirib.
Belə ki, 4-cü iclasda faiz dərəcələri dəyişdirilməyib və 22 il ərzində ən yüksək səviyyədə qalıb. Fed, faiz endiriminə açıq olduğuna işarə etsə də, bu dərhal baş verməyəcək.
Mart ayında uçot dərəcəsinin endirilməsi gözləntiləri ilə bağlı İdarə Heyətinin sədri Jerome Powell qeyd edib ki, Fed-in mart ayına qədər faiz dərəcələrini endirmək üçün kifayət qədər inamının olması ehtimalı azdır.
DoubleLine Capital-ın təsisçisi Gundlach, FED-in daha yüksək və daha uzun faiz dərəcələri strategiyasının gələcək artım üçün mənfi risklər daşıdığını müdafiə edib:
"Fed 200 və ya 300 əsas bəndlik real faiz səviyyəsində daha çox gözləsə, bu il irəlilədikcə iqtisadi artım üçün risklər yaradacaq".
Gundlach-a görə, ABŞ-ın iqtisadi perspektivi yaxşı görünmür və tənəzzül hələ də kartlardadır.
Bloomberg Economics iqtisadçıları FED-in qərarından sonra mart ayı faiz endirimi baza ssenarisini qoruyub saxlayıblar.
İqtisadçılar Anna Wong, Estelle Ou və Stuart Paul öz qeydlərində deyiblər:
"Biz düşünürük ki, əmək bazarında zəifləmə davam edəcək və son nəticədə bunlar Fed üzvlərinə mart ayında ixtisar etmək üçün kifayət qədər inam yaradacaq".
Goldman Sachs iqtisadçıları ilk faiz endirimi ilə bağlı proqnozlarını martdan may ayına təxirə salsalar da, bu il beş, 2025-ci ildə isə üç faiz endirimi ilə bağlı proqnozlarını saxlayıblar.
Bizi sosial şəbəkələrdən izləyin!!
