Müəllif: Tamara Mustafayeva, Banco.az
Liviya özünün ən böyük neft yatağından neft hasilatını və ixracını bərpa edəcək.
Banco.az xəbər verir ki, Liviyanın dövlət neft şirkəti nümayişçilərin yanacaq çatışmazlığı səbəbindən obyekti bağlamasından sonra iki həftədən çox davam edən fasiləni başa çatdıraraq bazar günü ölkənin ən böyük neft yatağında hasilatı bərpa edib.
Milli Neft Şirkəti etdiyi qısa açıqlamada ölkənin cənubundakı Şərara neft yatağındakı fors-major vəziyyəti aradan qaldırdığını və hasilatı tamamilə bərpa etdiyini bildirib.
Xatırladaq ki, şirkət yanvarın 7-də paytaxt Tripolidən təxminən 950 kilometr cənubda yerləşən səhra Ubari şəhərindən gələn etirazçıların yanacaq çatışmazlığına etiraz olaraq ərazini bağlamasından sonra müəssisənin fəaliyyətini müvəqqəti dayandırmışdı.
Xatırladaq ki, Milli Neft Şirkəti, İspaniyanın “Repsol SA”, Fransanın “TotalEnergies SE”, Avstriyanın “OMV AG” və Norveçin “Equinor ASA” şirkətlərinin birgə müəssisəsi tərəfindən idarə olunan Şəraradakı əməliyyatlar iş yerləri, daha yaxşı xidmətlər və yeni neft emalı zavodu da daxil olmaqla sosial və iqtisadi islahatlar tələb edən etirazçılar tərəfindən dayandırılmışdı.
Bizi sosial şəbəkələrdən izləyin!!
