Müəllif:Mehin Qasımova/Banco.az
Böyük enerji korporasiyası Osaka Gas-a məxsus Yaponiyanın KRI tədqiqat mərkəzi elektrik avtomobilləri üçün litium-ion batareyalarının istismar müddətini beş dəfədən çox artıra bilən cihaz hazırlayıb.
Banco.az xəbər verir ki, Yaponiyanın Sankei qəzetinin məlumatına görə, gələn il yeni tip akkumulyatorlar şirkət daxilində sınaqdan keçiriləcək və 2027-ci ildə onlar sınaq üçün maraqlı müştərilərə təhvil veriləcək .
KRI cihazı gücü 30 kVt/saat olan bir litium-ion batareya ilə işləyən elektrik avtomobilinə 160 min km əvəzinə, ümumilikdə 800 min km-dən çox məsafə qət etməyə imkan verir.
Bu cür cihazların xidmət müddətinin kəskin artması, iqtisadi səmərə ilə yanaşı, tükənmiş batareyaların təkrar emalı probleminin şiddətini azaldacaqdır. Qəzet qeyd edir ki, elm adamları elektrik nəqliyyat vasitələrinin daha çox qəbul edilməsi ilə bu məsələnin getdikcə daha vacib olacağını düşünürlər.
Bizi sosial şəbəkələrdən izləyin!!
